×

Ika Bible 2018

Izikẹlụ 19

1
“Gi ẹbụ kwannị ndị nze Izrẹlụ ẹkwan,
2
sị: ‘Kị nnẹ ụnụ te wụ? Onyẹnnyẹ-ẹwọrọ! Hụn wẹ marịn amarịn imẹ igunrun wẹ. Imẹ igunrun ẹwọrọ zeni, k'ọ nọ zụn ụmụ a.
3
Ọ zụnpụha nwa a ohu, o họnrin ẹwọrọ zeni. Ọ mụrụn kẹ w'e gbu anụ, o gburimẹ ịhịan.
4
Alị ndị ọzọ a nụ ukwere ẹ, wẹ nọ gun'ẹ olu, ọ nọ danye. Wẹ nọ gi ukpo dọkpụnrụn a, kpụnhan a alị Ijiptu.
5
“ ‘Nnẹ ụnụ a hụn n'ọ rị e che ẹ mmaka, nị ọhụn a la, ọ nọ weri nwa a ọzọ, zụn a n'ọ wụrụ ẹwọrọ zeni.
6
O sọn ẹwọrọ ndị ọzọ kpama, o zekẹnmẹ. Ọ mụrụn kẹ w'e gbu anụ; o gburimẹ ịhịan,
7
e weri inyẹnmẹ wẹ latọ. O tikpọ obodo wẹ a la iwi; o dẹn, ndụn a gụ alị lẹ ndị rịn'a.
8
Alị ndị ọzọ nọ bunụman'a, gha ẹgbẹrẹ ile fihunmẹn'ẹ bịa. E shimẹni wẹ ẹ ọnyan; ọ nọ dan mgbugbu wẹ gutọn'a.
9
Wẹ nọ gi ukpo kọn ẹ ye imẹ ngịngan, wẹ ẹ jẹnni eze Babilọnụ. E bu w'ẹ che ụlọ-ngan, kẹni wẹ nụbehi olu ẹ elu-ugu alị Izrẹlụ.
10
“ ‘Nnẹ ụnụ te nọzị kẹ vaịnị rị alị vaịnị, hụn wẹ kụnye mkpẹnrẹn mirin; ọ hụ a mị, a wa ẹka e jun, makẹni mirin rị a ọhụnma-ọhụnma.
11
Ọ waghọ agalaba ndị zeni, ndị họnrin ọkpọ ọkịkị. Ogwe ẹ e suerughọdẹ igwere, suekarị ndị ọzọ ile; w'e leghadẹ ya lẹ ẹhụhụọ junn'ẹ imẹ elu ebẹhụ.
12
Kanị, m nọ gi ọnụma huepụ a, tụ a ye alị. Ufere ọwụwa-ẹnyanwụn nọ sekpọ a, butuchanrịn mkpụrụ ọ mị. Ọkụn nọ ripụ agala a, agala a ndị nwẹn wụ ikẹn ẹ.
13
Wẹ gbọ a nwan ye alị ọkpọ-nkụn, alị mirin rịlẹni.
14
“ ‘Ọkụn a ghagụọ agala a ohu banye ẹ, ripụ mkpụrụ a. Onwọnzini agala ọwụlẹ zeni họdụnị hụn furu a wụ ọkpọ ọkịkị.’ Ẹbụ-ụya rọ; wẹ rị nwan e gi ẹ a kwan ụya.”
Ika Bible 2018
2018, Mission for Language Translation/Ika Bible Translation Committee. 2018, Wycliffe Bible Translators, Inc
:
Save Notes