Ika Bible 2018
|
| 1 |
| Olu hụ sị m, “Nwa-ịhịan, wuzo ọtọ, nị m gwa ị oku.” |
| 2 |
| Hụn ahụn ọ rị e ku oku, Mmọn Osolobuẹ nọ ban imẹ m, weli m elu; m nọ nụ ihiẹn ọ rị a gwa m. |
| 3 |
| Ọ sị m, “Nwa-ịhịan, m zikọ ị d'e kunrun ndị Izrẹlụ, alị nnupụ-isi hụ, hụn rị e feni m isi; wẹ hụ a pa oku m d'e ru tannị kẹ ndị nẹdi wẹ dọn mẹ. |
| 4 |
| Ndị isi-ikẹn obi wẹ ze eze kẹ m zikọ ị d'e kunrun. Ị k'a sị wẹ, ‘Lee ni ihiẹn Osolobuẹ nwọn ihiẹn ile ku.’ |
| 5 |
| Kẹ wẹ gọn ntịn kẹ egọnni wẹ, makẹni wẹ wụ ebọn nnupụ-isi, wẹ jẹnkọ d'a marịn nị onyẹ-amụma a nọgụọ imẹ igunrun wẹ. |
| 6 |
| “Kanị, ịyụ, nwa-ịhịan, atụkwọlẹ egun wẹ mọbụ oku-ọnụ wẹ — ọsụọn'a nị wẹ wụ ogun-lẹ-ọkịnkan fihunmẹn'i, n'i igunrun akpị kẹ i bi imẹ ẹ. Anịkwọlẹ oku-ọnụ wẹ rọn i egun mọbụ lemẹ wẹ ẹnya ihun tụma egun — emẹlẹ ẹ, nị ebọn nnupụ-isi kẹ wẹ wụ. |
| 7 |
| Ị k'a gwarịrị wẹ ihiẹn m ku, wẹ gọn ntịn egọnni wẹ, makẹni ndị nnupụ-isi kẹ wẹ wụ. |
| 8 |
| “Yụ nwẹn, nwa-ịhịan, gọn ntịn ihiẹn m rị a gwa ị. Enupụkwọlẹ isi nọkẹ ebọn nnupụ-isi ahụn. Shịapụ nwan ọnụ n'i ri ihiẹn m sikọ d'e ye i.” |
| 9 |
| Ya m nọ lee ẹnya, e lee ẹka ohu tịnpụ zinmẹ m; ibe ẹkụkwọ hụ a. |
| 10 |
| Ọ nọ shịapụnị m'a; wẹ deye ẹ ihiẹn ihun lẹ azụụn. Ihiẹn wẹ deye ẹ wụ ihiẹn-ẹkwan lẹ ụya lẹ nsọngbu. |
| Save Notes |
https://beblia.bible:81/BibleAudio/ika/ezekiel/002.mp3
48
2