×

Biblia Ande Chib Romani 2018

Ezekiel 22

1
O Del dia manchar orba ta phenda:
2
Chavo e manuseko, ¿ni ka krisi tu, ni ka krisi tu e foro kai cherel te chordol o rat ta ka sikave lake sa lako bilachipe?
3
Tu ka phene: Gia phenda o Del o Gazda: ¡Foro kai cherda te chordol o rat maskar che llene, te sai avel lako vreme, ta kai cherda aver dela voi peke te meliarel pe!
4
Pe tute si e dos pala o rat kai cherdan te chordol ta meliardan tut delenchar kai cherdan ta cherdan te avel mai pase cho llive ta avilan kai o son katar che bursa, goleke diem tut ando lallao angla e forura ta angla sa e phuvia.
5
E forura kai si dur tutar ta gola kai si pase ka asan tutar, soke ande tute si poganipe ta burkania.
6
E sudura ando Israel suako iek prema leko gazdaripe, trudilpe te mundarel.
7
E llene kai zivin ande tute murzin pe po dad ta pe pi dei, silnosaile po lleno ka si katar aver phuv ando po maskaral tutar, len peke so si katar e minone kai inai len dada ta katar e phivlia po maskaral tutar.
8
Inai tumen liubao pe me thana sante ta me llivesa sabado muklan len ando lallao.
9
Ande tute sea llene kai ikanena bune te avelpe mundaripe, ta ande tute thode sinie pe burdura, po maskaral tutar cherde o baro bilachipe.
10
Nangarde pe dade po maskaral tutar, ta cherde o silnope e diskiniaia kai saia pogani ande po chon.
11
Suako lleno cherda o gadope e diskiniaia avereki, suako lleno meliarda bilachimaia pe boriaia, ande tute suako lleno pelopeke pe zor pe pheaia, chei leke dadeki.
12
Ande tute pochinde lenge te mundaren, dian unllile ta lian bare love, ta ni pomozisardan avere llenen ta sana lenchar silno, bristrailan mandar, gia phenenl o Del.
13
Mardem chuke ande palme soke saia chuke drago but e love, ta pala o mundaripe kai cherdan po maskaral tutar.
14
¿Ka avel tut zor ande cho lio? ¿Ka avel tut zor ande che va ande llivesa kai ka dav pe tute? Me o Del diem orba ta ka cherav so phendem.
15
Ka rispiu tut maskar e forura ta e phuvia, ta ka cherav te merel cho o gadope kai si ande tute.
16
Ta isto tu tutar ka chorrao angla e phuvia, ta ka llane kai me sem o Del.
17
O Del dia manchar orba ta phenda mange:
18
Chavo e manuseko, e llene katar o Israel cherdile mange sargo llubri, saurre si tuch ta estanio ta sastri ta molivi ande furnava ta cherdile o llubri katar o rup.
19
Goleke, gia phenda o Del o Gazda: Soke saurre cherdilen llubri, me ka chidav tumen po maskaral katar o Jerusalem.
20
Sargo gua kai chidel rup ta tuch ta sastri ta molivi ta estanio ande furnava, te phabarel e iag te bilavel, isto gia ka chidav tumen ande mi joli ta ande mo silnope ta ka thovav tumen kote ta ka bilavav tumen.
21
Me ka chidav tumen ta ka phurdav pe tumende ande iag ande mi joli ta kote ka bilaon.
22
Gia sar bilaol o rup ande furnava, gia ka aven biladine po maskaral letar, ta ka llanen kai me o Del cherdem te perel pe tumende mi joli.
23
O Del dia manchar orba ta phenda mange:
24
Chavo e manuseko, phen lake: Tu ni san phuv chisti, ta ni san chingardi e paietar ando llive katar e joli.
25
Si sovlia e profetonenge po maskaral latar, sargo iek liono kai basel ta istarel e zivirinia, jale e zivotura, lie peke e umalia ta o liubao, cherde te aven but phivlia ande phuv.
26
Lenge popura phagle mo zakono ta meliarde me thana sante, ni chitilape lenge so si santo ta so inai santo, ta ni thode sama pe so saia pogano ta pe so saia chisto ta lie pe akha katar e llivesa sabado ta achilem ando lallao maskar lende.
27
Lenge gazda kai si maskar lende si sargo e ruva dive kai jan e zivirinien, cheren te chordol e manusengo rat te len o charo kojamno.
28
Ta tumare poraukura thovena sargo glibo pe tumende kana phenena e poroka kojamni ta kana apogodina tumenge o kojaipe ta phenena: Gia phenda o Del o Gazda, a o Del ni diaia orba.
29
O foro e phuviako saia silno ta chorano, silnolape po chorro ta pe gua kai ni saia le niso, ta silnolape pala niso e llenea kai saia katar aver phuv.
30
Ta me rodiem vareka te thovelpe angla mande, te del orba pala e phuv te na zatriv la, a ni maladem nika.
31
Goleke, ka cherav te chordol pe lende mo joli, ka phabon pe iag katar mi joli, ka cherav te perel pe lengo soro sogo cherde, gia phenel o Del o Gazda.
Romani Ursari Bible 2018
Biblia ande chib Romani Sociedad Bíblica Chilena, 2018
:
Save Notes