Maina a bona, e mogolo e be e le Ohola; monyanana e be e le Oholiba. Ya ba baka; ba ba ba belega barwa le barwedi. Maina a bona, Ohola e be e le Samaria, Oholiba e be e le Jerusalema.
A se lese maotswa ala a a bego a a dira Egipita, gobane ba mo sentše e sa le o mofsa, ba mo swaraka matswele e sa le kgarebe, ba feletša dikganyogo mo go yena.
Ke ge ba Babele ba etla, ba tsena go yena malaong a go ratana, ba mo tšhilafatša ka bootswa bja bona. Yena, a itšhilafaditše ka bona, a kwa ba mo tenne.
Ba Babele le bohle ba Kaladea, ba Pekota le ba Soa le ba Koa, le bohle ba Asuri ba na nabo, masogana a ditsoro, le matona, le babuši, balaodi le balaki, ba nametše dipitsi ka moka ga bona.
Ba a go tlela; mešito ya dipitsi le ya makoloi; ba bantle ba a go bokanela, dikotse le diphemo le dikuane; ba go tiela gare. Ke tlo ba lesa ba go sekiša, ba go ahlolela ka moahlolelo wa bona.
E tlo ba gona go kgaotša bononyana bja gago, le bootswa bja gago bjo o bo thomilego le Baegipita, wa se sa tlo ba lebelela, wa se sa tlo gopola tša Egipita.
Ba tlo go dira ka lehloyo, ba tlo go amoga tšohle tše o di ruilego; ba tlo go tlogela o le fela, gore dihlong tša bootswa bja gago, le ditšhila tša gago, le bononyana bja gago, di šale, di le pepeneneng.
Morena Mong wa bohle o re: O tlo nwa senwelo sa mogolwago se segolo se se tlaraletšego, wa tlo ba wa go segwa le go kwerwa; se tlo ba se tletše tše ntši.
Ke tšona tše Morena Mong wa bohle a di bolelago ge a re: Ke lefetša ka gobane o ntebetše, mme wa mphularela. Bjale rwala bononyana bja gago le maotswa a gago.
Gobane ba hladile; diatla tša bona di na le madi. Ba hladile ka medimo ya bona, ba ba ba lahla bana ba bona ba ba ba tswaletšego nna, ba ba fiša ka mollo, ya ba dijo tša medimo.
Ba itše go hlaba bana ba bona ba ipega go medimo, ba nape ba tla Ntlongkgethwa ya ka, ba e goboša mohla woo. Ke tšona tše ba di dirilego Ngwakong wa ka.
Gwa napa gwa kwala mašata a mabotho a a thabilego; gwa laletšwa le banna ba matagwa ba lešoka e le ba bantši; ba rwešwa maseka matsogong, le diala tša matsaka dihlogong.
Fela, ba tlo sekišwa ke banna ba ba yago ka molao; ba tlo ba ahlolela ka mo go loketšego basadi ba diotswa, ka mo go loketšego dinokwane; gobane ke diotswa, mme diatla tša bona di na le madi.