×

أَتَّوْرَتْ دَ أَنَّبَاوَا 2020

Ezekiyel 24

1
أَ رَانَ تَغُواْمَ غَ وَتَنْ غُواْمَ أَ شٜىٰكَرَا تَتَرَ، سَيْ يَهْوٜىٰهْ يَيِ مَغَنَ دَنِے ثٜىٰوَ
2
«يَا كَيْ طَنْ مُتُمْ، كَرُبُوتَ سُونَنْ وَنَّنْ رَانَ، وَنَّنْ رَانَ ثٜىٰ رَانَرْ دَ سَرْكِنْ بَابِيلَ يَكٜىٰوَيٜىٰ عُرُوشَلِيمَ دُواْمِنْ يَاڧِ؞
3
كَيِ وَجَمَعَرْ نَنْ مَيْ تَاوَيٜىٰ مَغَنَ دَ ݣُوتَنْثِ، كَثٜىٰمُسُ، ‹إِنْجِنِ عُبَنْ‌غِجِ يَهْوٜىٰهْ ، « ‹سَيْ كَكَڢَ تُكُنْيَ عَكَنْ وُتَا، كَظُبَ ضُوَ عَثِكِنْتَ؞
4
كَظُبَ عَثِكِنْتَ غَٻَ غَٻَرْ نَامَ، دُكَنْ غَٻُواْٻِ مَاسُ ݣَوْ، ذَاٻَا ثِنْيَ دَ كَڢَطَ، ثِكَ تُكُنْيَرْ دَ ذَاٻَٻُّنْ ڧَسُسُوَ؞
5
طَوْكِ مَڢِے ݣَوْ دَغَ غَرْكٜىٰنْ، كَسَا إِتَاثٜىٰنْ وُتَا عَڧَرْڧَشِنْ تُكُنْيَرْ؞ كَبَرْ نَامَنْ يَتَڢَسَ سُواْسَيْ، يَدَڢُ تَرٜىٰدَ ڧَسُسُوَنْ؞
6
« ‹حَڧِيڧَ، إِنْجِنِ عُبَنْ‌غِجِ يَهْوٜىٰهْ ، كَيْتُوانْ بِرْنِنَّنْ مَيْ ظُبْدَ جِنِ! تُكُنْيَ ثٜىٰ مَيْ دَتِّ، وَدَّ دَتِّنْتَ بَيْ ڢِتَ دَغَ ثِكِنْتَ بَ! ڢِتَرْ دَكُواْمٜىٰ عَثِكِنْتَ غَٻَ غَٻَ، كَدَ كَدَامُ دَ ذَاٻَا؞
7
غَمَا جِنِنْ دَ تَظُبَرْ يَنَ ثِكِنْتَ، تَظُبَشِ عَكَنْ دُوڟٜىٰ أَ ڢِيلِ؞ بَتَ ظُبَ جِنِنْ عَڧَسَا، عِنْدَ ذَاعَ رُڢٜىٰ دَ ڧُورَا بَ؞
8
دَ نُڢِنْ تَادَ ڢُشِنَ، دُواْمِنْ إِنْيِ رَامُوَا، نَظُبَ جِنِنْ دَ تَ ظُبَرْ عَكَنْ دُوڟٜىٰ أَڢِيلِ، دُواْمِنْ كَدَ أَ رُڢٜىٰشِ؞
9
حَڧِيڧَ، إِنْجِنِ عُبَنْ‌غِجِ يَهْوٜىٰهْ ، كَيْتُوانْ بِرْنِ مَيْ ظُبْدَ جِنِ! نِے مَا ذَنْ ڧَارَ يَوَنْ إِتَاثٜىٰنْ وُتَرْ؞
10
تَارَ غُنْ‌غُمَيْ، كَكُنَّ وُتَا، كَدَڢَ نَامَنْ سُواْسَيْ، كَهَطَ كَايَنْ يَجِ عَثِكِ، عَبَرْ ڧَسُسُوَنْ سُڧُواْنٜىٰ؞
11
أَطُواْرَ تُكُنْيَرْ نَنْ مَرَرْ كُواْمٜىٰ عَبِسَنْ غَرْوَشِنْ، عَبَرْتَ تَيِ ذَاڢِ، حَرْ تَغُلَّرْتَ تَيِ جَاوُرْ، دَتِّنْتَ يَنَرْكٜىٰ عَثِكِنْتَ، ڧَظَنْتَرْتَ كُمَ تَڧُواْنٜىٰ ڧُرْمُسْ؞
12
عَبَنْظَ نَغَجِيَرْ دَكَيْنَ، دَتِّنْتَ يَڧِ ڢِتَ دَغَ ثِكِنْتَ، أَجٜىٰڢَرْ دَ ڧَظَنْتَرْ ثِكِنْ وُتَا!
13
دُكْ دَ ڟَبْتَثٜىٰوَرْدَ نَيِ مِكِ، ڟَبْتَثٜىٰوَ دَغَ أَيُّكَنْكِ نَبَنْ ڨَمَ، بَاكِ ڟَبْتَثٜىٰ دَغَ ڧَظَنْتَرْكِبَ؞ بَذَاكِ سَاكٜىٰ سَامِ ڟَبْتَثٜىٰوَبَ سَيْ لُواْكَثِنْدَ نَغَمَ ڢُشِنَ عَكَنْكِ؞
14
« ‹نِے يَهْوٜىٰهْ نَا ڢَطَا، لُواْكَثِ يَنَ ذُوَا دَ ذَنْ طَوْكِ مَتَاكِ؞ نِے كُوَ بَذَنْ ثَنْجَ نِيَّتَبَ، بَذَنْ جَنْيٜىٰبَ، بَ كُوَ ذَنْ دَيْنَبَ؞ ذَنْ شَرْعَنْتَكِ بِسَغَ هَنْيُواْيِنْكِ دَ رَايُوَرْكِ؞ نِے عُبَنْ‌غِجِ يَهْوٜىٰهْ نَا ڢَطَا؞› »
15
يَهْوٜىٰهْ يَايِ مَغَنَ دَنِے ثٜىٰوَ
16
«يَا كَيْ طَنْ مُتُمْ، غَاشِ ڢَرَتْ طَيَ ذَنْ طَوْكٜىٰ مَكَ أَبِنْدَ كَڢِ ڧَوْنَ دَغَ غَرٜىٰكَ، عَمَّا ڢَا بَذَاكَيِ كُوكَا، كُواْ مَكُواْكِ، كُواْ كَظُبَرْدَ هَوَيٜىٰبَ؞
17
كَيِ أَجِيَرْ ذُوثِيَا، عَمَّا بَذَاكَيِ دَ ڧَرْڢِبَ؞ كَدَ كَيِ مَكُواْكِ سَبُواْدَ وَدَّ تَمُتُ؞ كَنَطَ ضَوَنِنْكَ، كَسَا تَاكَلْمَنْكَ؞ كَدَ كَسَا حَنُّ عَكُمَتُ دُواْمِنْ نُونَ بَڧِنْ ثِكِ، كُواْ كَثِ عَبِنْثِ نَمَاسُ مَكُواْكِ؞»
18
سَيْ نَيِ مَغَنَ دَ مُتَنٜىٰ دَ سَڢٜىٰ دَ يَمَّ كُمَ مَاتَتَ تَمُتُ؞ وَشٜىٰغَرِ نَيِ يَدَّ عَكَ عُمَرْثٜىٰنِ؞
19
مُتَنٜىٰنْ كُوَ سُكَثٜىٰ مِنِ «مٜىٰيَسَا كَنَ يِنْهَكَ، بَذَاكَ ڢَطَا مَنَ مَعَنَرْ وَطَنَّنْ أَبُبُوَ أَغَرٜىٰمُبَ؟»
20
سَيْ نَثٜىٰ مُسُ « يَهْوٜىٰهْ يَا ڢَطَا مِنِ،
21
إِنْيِ مَغَنَ دَ غِدَنْ إِسْرَٰٓءِيلَ ثٜىٰوَ ‹إِنْجِنِ عُبَنْ‌غِجِ يَهْوٜىٰهْ ، ذَنْيِ بَنْظَ دَ وُرِينَ مَيْ ڟَرْكِے، أَبِنْ تَاڧَمَرْكُ، أَبِنْدَ كُكَڢِ ڧَوْنَ، أَبِنْدَ كُمَ يَكٜىٰ ڢَرَنْتَ مُكُ ذُوثِيَا؞ یَیَنْكُ مَظَا دَ مَاتَا وَطَنْدَ كُكَ بَرْسُ عَبَايَ، ذَاعَ كَشٜىٰسُ دَ تَكُواْبِے؞
22
ذَاكُ كُوَيِ كَمَرْ يَدَّ نَيِ، بَذَاكُ سَا حَنُّ عَكُمَتُ دُواْمِنْ نُونَ بَڧِنْ ثِكِيبَ، بَذَاكُثِ عَبِنْثِ نَمَاسُ مَكُواْكِبَ؞
23
ذَاكُ نَطَ ضَوَنِنْكُ عَكَوُنَنْكُ كُسَا تَاكَلْمَنْكُ، بَذَاكُيِ مَكُواْكِ كُواْ كُوكَا بَ، عَمَّا ذَاكُ لَلَثٜىٰ عَثِكِنْ لَيْڢُواْڢِنْكُ كُنَ تَيِنْ نِيشِ؞
24
تَهَكَ، هِظْڧِيَالْ ذَيْ ذَمَ عَلَمَ أَغَرٜىٰكُ؞ ذَاكُيِ كَمَرْ يَدَّ يَيِ؞ سَعَدَّ وَنَّنْ يَڢَرُ، ذَاكُ سَنِ ثٜىٰوَ نِنٜىٰ عُبَنْ‌غِجِ يَهْوٜىٰهْ ؞›
25
«كَيْ كُمَ، يَا كَيْ طَنْ مُتُمْ، ذَنْ كَوَرْدَ وُرِنْ ٻُيَنْسُ دَغَ ثِكِنْسُ، وَتُواْ هَيْكَلِ، أَبِنْ تَاڧَمَرْسُ دَ دَرَجَرْسُ دَ أَبِنْدَ سُكَڢِے ڧَوْنَ دَ أَبِنْدَ يَكٜىٰ ڢَرَنْتَ مُسُ ذُوثِيَا، إِنْكُمَ كَوَرْدَ یَیَنْسُ مَظَا دَ مَاتَا؞
26
أَ رَانَرْ نَنْ، وَنْدَ يَغُدُ دُواْمِنْ يَڟِيرَا ذَيْ كَٰوُاْ مَكَ لَابَرِ دَ كُنّٜىٰنْكَ ذَاكَجِے؞
27
أَ رَانَرْ نَنْ، بَاكِنْكَ ذَيْ بُوطٜىٰ يَيِ مَغَنَ دَ وَنْدَ يَغُدُ يَڟِيرَا، بَذَاكَ كَاسَ يِنْ مَغَنَبَ كُمَ؞ تَهَكَ، ذَاكَ ذَمَ عَلَمَ أَغَرٜىٰسُ، سُو كُوَ ذَاسُ سَنِ ثٜىٰوَ نِنٜىٰ يَهْوٜىٰهْ ؞»
Hausa Bible Arabic 2020
Hausa Common Language Ajami Bible The Bible Society of Nigeria, 2020
:
Adana Bayanan kula