Hel hmang chhûng tân he tehkhin thu hi sawi rawh; ‘Lalpa P athian chuan heti hian a ti,’ ti rawh: Chhuang rú, bêl chu chhuang rú, Tui pawh leih khat rawh u.
“Lalpa P athian chuan heti hian a ti: Tualthahna khawpui chu a chung a pik e. Tihfai ngai loh khirkhâwng hlîr a ni. Sa hrang chu thlang chuang lovin thur vek rawh u.
A khirkhâwng bawlhhlawh chu a kan ral hnuah bêl chu a thianghlim leh ang. A khirkhâwng chuti zozai chu hah hnêp khawpin tihfai tum mah la, i tifai thei lo vang, mei chauhvin a tifai thei a ni.
Kei Lalpa hian ka sawi tawh a, ka hun a lo thleng ang a, ka ti ngei ang. Ka ngaizam mai lo vang, ka lainat lo vang a, pawi ka ti hek lo vang. In awm dân leh in thil tih dân ang chiahin in chungah ro ka rêl ang,” Lalpa P athian thuchhuak chuan a ti.
“Israel chhûngte hnênah sawi rawh. Lalpa P athian chuan heti hian a ti: Ngai teh u, ka Hmun Thianghlim, rinawm in tih êm êm, in chhuan, hmuh in kham theih loh, in lainat êm êm chu ka tibawrhbâng dâwn a ni. In fanu fapa Jerusalem-a la awmte chu khandaihin an sât hlum ang.
“Nang, Mihring fapa, an hlimpui leh an chhuan, hmun rinawm tak, hmuh an kham theih loh, an lainat êm êm chu ka chhuhsak ang a, an fanu fapate chu ka la bo vang.
Chumi ni chuan i ṭawng thei leh tawh ang a, lo tlân chhuak chhun chu i be thei ang. Tichuan, an tân chhinchhiahna i ni ang a, Lalpa chu ka ni tih an hria ang,” a ti a.