“Abala bocha tokona ayong Ekapolon lo arai Ekapolon Akuj kona, oitiakoi, abe etioko nginyas eanyuni ere a ngikaarak! Ikwaan ere ngolo ka amot na eyei, na nyetiakasi ka ekut jik! Autonor ngaringo daang a ngapei-pei esunyar.
Alimu ayong Ekapolon lo arai Ekapolon Akuj kona: Anang esaa lo asubakinea ayong akiroit ngina etemok. Nyelagalagakini ayong ngasechesea kon kori nyariangakin atama kesien kare. Kerirae ayong iyong itemem ka ngakiro na isub. Ayong Ekapolon Akuj na arai Akuj alimu nguna.”
atolimok Ngisirael atama, ‘Ebala Ekapolon lo erai Ekapolon Akuj kona: Kingolikisi a, etiliwori ayong akai kang na nyitaleunitoe. Akai ngina ngesi na inisatar esi agogongu keng, tojoikinite ngakonyen kus ka ngitai kus. Ani talokookus ka tanakookus nakolong edongete Yerusalem, earakinio lojie.
Katolimok Ekapolon Akuj ayong tama, “Tokona bocha itwaan, akolongit na ademarea ayong kesi akai kang na erai agogongu kech, na ipuruunito kesi elakara, tojoikinite ngakonyen kech ka ngitai, atodema tani talokookech ka tanakookech,