|
| 1 |
|
| يَهْوٜىٰهْ يَايِ مَغَنَ دَنِے ثٜىٰوَ |
|
| 2 |
|
| «يَنْذُ، يَا كَيْ طَنْ مُتُمْ، سَيْ كَتَادَ وَاڧَرْ مَكُواْكِ دُواْمِنْ تَيَ؞ |
|
| 3 |
|
| كَثٜىٰ وَ تَيَ، « ‹يَا كٜىٰ وَدَّ كِكٜىٰ ذَمَ عَبَاكِنْ تٜىٰكُ، كٜىٰ دَ كِكٜىٰيِنْ كَاسُوَنْثِ دَ ڧَبِيلُ عَڟِبِرَيْ دَيَوَ، كِجِ أَبِنْدَ نِے عُبَنْغِجِ يَهْوٜىٰهْ ذَنْ ڢَطَا؞ يَا كٜىٰ تَيَ، كِنْثٜىٰ، «نِے ݣَكْݣَاوَا ثٜىٰ ثِكَكِّيَ كُمَ؞» |
|
| 4 |
|
| إِيَاكَرْكِ أَڟَكِيَرْ تٜىٰكُنَ سُكٜىٰ، مَاسُ غِنَكِ سُنْ سَا ݣَنْكِ يَذَمَ ثِكَكّٜىٰ؞ |
|
| 5 |
|
| سُنْيِ دُكَنْ كَتَكَنْكِ دَغَ إِتَاثٜىٰنْ ڢِرْ دَغَ سٜىٰنِرْ؞ سُنْ سَارٜىٰ إِتَاثٜىٰنْ سٜىٰدَ دَغَ لٜىٰبَنُوانْ دُواْمِنْ سُيِ مِكِ بَبَّنْ إِتَاثٜىٰ نَرَاتَيَ إِغِيُواْيِنْ ذَنٜىٰنْ جِضْغٍ ضُوَ؞ |
|
| 6 |
|
| دَغَ عِتَتُوَنْ بَشَنْ مَاسُ ڧَرْڢِے، سُكَيِ مِكِ إِتَاثٜىٰنْ تُوڧَ جِضْغٍ؞ سُنْيِ دَٻٜىٰنْ جِضْغٍ يَيِ سُمُلْ دَغَ إِتَاثٜىٰ دَغَ بَاكِنْ تٜىٰكُنْ ڟِبِرِنْ كِتِّمْ؞ عَكَيِ أَدُوانْ ثِكِنْكِ دَ هَڧُواْرِنْ غِيوَ؞ |
|
| 7 |
|
| ذَنٜىٰنْ لِيلِنْ مَيْ أَدُوانْ سَاڧَ مَيْݣَوْ دَغَ مَصَرْ يَذَمَ مِكِ ذَنٜىٰنْ جِضْغٍ ضُوَ، يَكُمَ ذَمَ مِكِ تُوتَ؞ أَنْيِ مِكِ رُمْڢَ دَ ذَنٜىٰ مَيْ كَلَرْ بُلَ دَ تَجَرْ غَرُورَا دَغَ ڟِبِرِنْ سَيِڢُرُسْ؞ |
|
| 8 |
|
| مَذَوْنَنْ سِدُوانْ دَ أَرْوَدْ سُونٜىٰ مَاسُ تُوڧِنْكِ؞ مَاسُ حِكِمَ نَ ظٜىٰمٜىٰرْ سُنَ ثِكِنْكِ، سُونٜىٰ مَاسُ جَغُواْرَنْكِ؞ |
|
| 9 |
|
| دَتَّاوَنْ غٜىٰبَلْ دَ ڠُونَيٜىٰنْ عَيْكِنْ حَنُّ كُمَ سُنَ ثِكِنْكِ، سُونٜىٰ مَاسُ ڠَرَ وُرَارٜىٰنْ دَ كَتَكَنْ جِضْغٍ سُكَ حَطُ؞ دُكَنْ جِضَاغٜىٰنْ ضُوَ تَرٜىٰدَ مَاسُ تُوڧِنْسُ سُنْ ذُواْ وُرِنْكِ دُواْمِنْ يِنْ كَاسُوَنْثِ؞ |
|
| 10 |
|
| مُتَنٜىٰنْ ڢَٰشِيَ دَ نَ لُدْ دَ نَ ڢُتْ، سُواْجُواْجِنْكِ نٜىٰ مَاسُ عِيَ يَاڧِ، مَاسُ رَاتَيَ غَرْكُوُاْيِ دَ هُولَرْ يَاڧِ عَثِكِنْكِ، مَاسُ سَامُواْ مِكِ طَوْكَكَ؞ |
|
| 11 |
|
| مُتَنٜىٰنْ أَرْوَدْ دَ هٜىٰلٜىٰكْ، سُنَ كٜىٰوَيٜىٰ كَنْ كَتَنْغَرْكِ؞ مُتَنٜىٰنْ غَمَدْ سُنَ كَنْ غِنٜىٰ غِنٜىٰنْكِ مَاسُ ڟَيِ؞ سُنْ رَاتَيَ غَرْكُوُاْيِنْسُ عَكَنْ كَتَنْغَرْكِ؞ سُونٜىٰ سُكَسَامُواْ مِكِ ثِكَكِّيَرْ ݣَوْ؞ |
|
| 12 |
|
| « ‹مُتَنٜىٰنْ سِڢٜىٰنْ سُنْيِ كَاسُوَنْثِ دَكٜىٰ، سَبُواْدَ يَوَنْ أَرْزِڧِنْكِ نَكُواْوَنٜىٰ إِرِ، سُنْ سَيَرْ دَ أَظُرْڢَا دَ بَڧِنْ ڧَرْڢٜىٰ دَ كُظَ دَ دَرْمَ دُواْمِنْ سَامُنْ كَايَنْكِ؞ |
|
| 13 |
|
| مُتَنٜىٰنْ يَوَنْ دَ نَ تُبَلْ دَ نَ مٜىٰشٜىٰكْ سُنَ كَاسُوَنْثِ دَكٜىٰ؞ سُنْ سَيَرْ دَ یَنْ أَدَمْ دَ كَايَنْ تَغُلَّ دُواْمِنْ سَامُنْ كَايَنْكِ؞ |
|
| 14 |
|
| مُتَنٜىٰنْ بٜىٰتْ تُواْغَرْمَ كُمَ سُنَ سَيَرْ دَ دَوَكِ دَ دَوَكِنْ يَاڧِ دَ جَاكُنَنْ دُواْكِ دُواْمِنْ سَامُنْ كَايَنْكِ؞ |
|
| 15 |
|
| مُتَنٜىٰنْ رُواْدٜىٰسْ سُنَيِنْ كَاسُوَنْثِ دَكٜىٰ؞ يَنْكُنَ مَاسُيَوَ نَبَاكِنْ تٜىٰكُ سُنْ ذَمَ أَبُواْكَنْ كَاسُوَرْكِ تَمُسَمَّنْ؞ سُنْ سَيَرْ دَ هَڧُواْرِنْ غِيوَ دَ إِتَاثٜىٰنْ عٜىٰبُواْنِ دُواْمِنْ سَامُنْ كَايَنْكِ؞ |
|
| 16 |
|
| مُتَنٜىٰنْ سُورِيَ كُمَ أَبُواْكَنْ كَاسُوَنْثِنْكِ ثٜىٰ سَبُواْدَ يَوَنْ كَايَنْكِ؞ سُنْ ذُواْ سُنْ سَيَرْ دَ كَايَنْسُ، وَتُواْ يَدِنْ جَرْ غَرُورَا دَ كَايَنْ أَدُوانْ سَاڧَ دَ لِيلِنْ مَيْݣَوْ دَ ڧَسُسُوَنْ حَلِتُّنْ ضُوَ دَ دُوَڟُو مَاسُ دَرَجَ إِرِنَّكِرِسُواْلَتْ دَ أَغَتْ دُواْمِنْ سَامُنْ كَايَنْكِ؞ |
|
| 17 |
|
| مُتَنٜىٰنْ يَهُودَ دَ نَ إِسْرَٰٓءِيلَ سُكَيِ كَاسُوَنْثِ دَكٜىٰ؞ سُكَ سَيَرْ دَ أَلْكَمَ دَغَ يَنْكِنْ مِنِّتْ دَ ٻَوْرٜىٰ دَ ظُمَ دَ مَنْ ظَيْتُنْ دَ غَنْيٜىٰ مَيْ ڧَنْشِ نَمَاغَنِ؞ |
|
| 18 |
|
| مُتَنٜىٰنْ دِمَشْڧُ سُنْيِ كَاسُوَنْثِ دَكٜىٰ سَبُواْدَ يَوَنْ كَايَنْ كَاسُوَنْثِنْكِ دَ يَوَنْ أَرْزِڧِنْكِ نَعَبُبُوَ إِرِ إِرِ؞ سُنْ سَيَرْ دَ ضُوً إِنَبِے نَ هٜىٰلْبُوانْ دَ نَڢَضٍ عُلُ دُواْمِنْ سَامُنْ كَايَنْكِ؞ |
|
| 19 |
|
| دَ غَرْوَرْ ضُوً إِنَبِے دَغَ عُظَلْ سُكَذُواْ يِنْ كَاسُوَنْثِ دَكٜىٰ، سُكَذُواْ سُنْ سَيَرْ دَ ڧَرْڢٜىٰنْ دَ أَنْتَاثٜىٰ دَ إِتَاثٜىٰنْ كَسِّيَ مَيْ ڧَنْشِ دَ كَايَنْ يَجِ دُواْمِنْ سَامُنْ كَايَنْكِ؞ |
|
| 20 |
|
| مُتَنٜىٰنْ دٜىٰدَنْ سُنْيِ كَاسُوَنْثِ دَكٜىٰ، سُنْ كَٰوُاْ ذَنُّوَنْ ذَمَ عَكَنْ دَوَكِ؞ |
|
| 21 |
|
| مُتَنٜىٰنْ أَرَبِيَ دَ سَرَاكُنَنْ كٜىٰدَرْ سُونٜىٰ سُنْ ڢِے سَيَرْ مِكِ دَ یَنْ رَغُنَ دَ رَغُنَ دَ أَوَكِ دُواْمِنْ سَامُنْ كَايَنْكِ؞ |
|
| 22 |
|
| یَنْ كَاسُوَنْثِ دَغَ شٜىٰبَ دَ رَعَمَ سُكَيِ كَاسُوَنْثِ دَكٜىٰ؞ سُكَ سَيَرْ دَ كَايَنْ يَجِ مَڢِے ݣَوْ دَ دُوَڟُو مَاسُ دَرَجَ إِرِ إِرِ دَ ظِينَارِيَ دُواْمِنْ سَامُنْ كَايَنْكِ؞ |
|
| 23 |
|
| مُتَنٜىٰنْ بِرَنٜىٰنْ هَرَنْ دَ كَنّٜىٰ دَ عَيْدَنْ دَ یَنْ كَاسُوَنْثِنْ شٜىٰبَ دَ أَشُّرْ دَ كِلْمَدْ سُنْيِ كَاسُوَنْثِ دَكٜىٰ؞ |
|
| 24 |
|
| وَطَنَّنْ سُنْ سَيَرْ مِكِ دَ رِيغُنَ مَاسُ دَرَجَ، رِيغُنَنْ كَلَرْ بُلَ مَيْ أَدُوانْ سَاڧَ مَاسُ ڟَادَ دَ كَڢٜىٰتْ مَاسُ كَلَكَلَ وَطَنْدَ عَكَ سَاڧَ دَ ظَرٜىٰ مَيْݣَوْ أَنْكُمَيِ دَڧَرْڢِے سُواْسَيْ دُواْمِنْ سَامُنْ كَايَنْكِ؞ |
|
| 25 |
|
| مَنْيَنْ جِضَاغٜىٰنْ ضُوَنٜىٰ مَاسُ كَيْ دَ كَٰوُاْ كَايَنْ كَاسُوَنْثِنْكِ؞ « ‹تَهَكَ كِنْ ذَمَ كَمَرْ جِضْغِ ثِكَكّٜىٰ، جِضْغِ مَيْ دَرَجَ أَڟَكِيَرْ بَبَّرْ تٜىٰكُ؞ |
|
| 26 |
|
| مَاسُ تُوڧِنْكِ سُنْ كَيْكِ ثِكِنْ ڟَكِيَرْ بَبَّرْ تٜىٰكُ، إِسْكَرْ غَبَسْ تَڢَرْڢَشٜىٰكِ أَڟَكِيَرْ تٜىٰكُنَ؞ |
|
| 27 |
|
| أَرْزِڧِنْكِ دَ كَايَنْكِ دَ كَايَنْ كَاسُوَنْثِنْكِ، دَ مَاسُ تُوڧِنْ جِضَاغٜىٰنْكِ دَ مَاسُ جَغُواْرَنْكِ، مَاسُ ڠَرَنْ جِضْغِ دَ یَنْ كَاسُوَنْثِنْكِ، دَ دُكَنْ سُواْجُواْجِنْكِ مَاسُ عِيَ يَاڧِ عَثِكِنْكِ دُكْ سُنْ نُڟٜىٰ أَڟَكِيَرْ تٜىٰكُنَ، أَ رَانَرْ هَلَّكَرْكِ؞ |
|
| 28 |
|
| دَجِنْ ڧَارَرْ كُوكَنْ مَاسُ جَغُواْرَنْكِ، ڧَوْيُكَنْكِ عَبَاكِنْ تٜىٰكُ سُنْ ڢِرْغِتَ؞ |
|
| 29 |
|
| دُكَنْ مَاسُ تُوڧِنْ جِضَاغٜىٰ، دَ مَاسُ عَيْكِنْ جِضْغٍ ضُوَ، دَ مَاسُ جَغُواْرَنْ جِضَاغٜىٰنْ ضُوَ دُكْ سُنْ بَرْ جِضَاغٜىٰنْسُ، سُنْ ڟَيَ عَبَاكِنْ تٜىٰكُ؞ |
|
| 30 |
|
| سُنَ تَادَ مُرْيَ سُنَ إِيهُ عَكَنْكِ، سُنَيِنْ كُوكَا مَيْ ذَاڢِ، سُنَ سَا ڧُورَا عَكَوُنَنْسُ سَبُواْدَ بَڧِنْ ثِكِنْسُ، سُنَيِنْ بِرْغِمَ عَثِكِنْ تُواْكَ؞ |
|
| 31 |
|
| سَبُواْدَ كٜىٰ، سُنْيِ أَسْكٜىٰنْ كَوُنَنْسُ، سُنْ سَا رِيغُنَ نَنُونَ بَڧِنْ ثِكِ، سُنْيِ كُوكَا مَيْ ذَاڢِ دُواْمِنْكِ، سُنْيِ مَكُواْكِ دُواْمِنْكِ؞ |
|
| 32 |
|
| عَثِكِنْ كُوكَنْسُ سُنْ تَادَ وَاڧَرْ مَكُواْكِ دُواْمِنْكِ، سُنَ ثٜىٰوَ «يَا كٜىٰ تَيَ، وَثٜىٰثٜىٰ أَنْتَٻَ هَلَّكَرْ دَ عِتَ كَمَرْ كٜىٰ، وَدَّ عَكَ كَوَرْ شِضُ أَڟَكِيَرْ تٜىٰكُ؟ |
|
| 33 |
|
| سَعَدَّ كَايَنْ كَاسُوَنْثِنْكِ سُكَ تَڢِے كَنْ تٜىٰكُ، كِنْ ڧُواْسَرْدَ ڧَبِيلُ دَيَوَ؞ دَ يَوَنْ أَرْزِڧِنْكِ دَ كَاسُوَنْثِنْكِ، كِنْ سَا سَرَاكُنَنْ دُونِيَا سُنْيِ أَرْزِڧِ؞ |
|
| 34 |
|
| يَنْذُ، تٜىٰكُنَ سُنْ ڢَرْڢَشٜىٰكِ، كِنْ غَنْغَرَ ذُوَا ثِكِنْ ظُرْڢَڢَّنْ ضُوَ؞ دُكَنْ كَايَنْ كَاسُوَنْثِنْكِ دَ مَعَيْكَتَنْكِ نَاجِضَاغٜىٰنْ ضُوَ سُنْ نُڟٜىٰ تَرٜىٰدَكٜىٰ؞ |
|
| 35 |
|
| دُكَنْ مَذَوْنَنْ يَنْكُنَنْ بَاكِنْ تٜىٰكُ، سُنْ رَسَ أَبِنْ ڢَطَا سَبُواْدَ أَبِنْدَ يَسَامٜىٰكِ؞ سَرَاكُنَنْسُ سُنْ ڟُواْرَتَ ڨُورَيْ، ڢُسْكُواْكِنْسُ سُنْ بُوشٜىٰ سَبُواْدَ ڟُواْرُواْ؞ |
|
| 36 |
|
| یَنْ كَاسُوَنْثِ عَثِكِنْ ڧَبِيلُ سُنْيِ مِكِ بَعَ، ڧَرْشٜىٰنْكِ يَذَمَ أَبِنْ ڟُواْرُواْ، بَذَاكِ ڧَارَ كَسَنْثٜىٰوَبَ حَرْ أَبَدَا؞» › » |
|
|
|
|