ki ya fu Tura, naraka ti oazorã sa baime, nangia babagiahe fu agu aboro du ti dungu aringara ti ngba gango baime yo, ya Gbia MBORI wẽ: “Ako Tura, mo aya, ‘Mi teketeke na wene ngbanyare.’
Roko apupoho adu ni tutu giri nzibi ni kendegekendege he, naye Ezipeta yo, si adu ni ga bendere; ga bagbu uru adu ni kayaa ha, na ngungungu he naye ti ngba gango ime Erisa yo.
Agu araki Sidona yo na araki Aruwada yo angia gamo abasikisi abaakurungba; Ako Tura, gamo tatamana aboro adu rogo ro yo i nangia gamo abandu na abaakurungba.
Gu kuru aboro nga ga Gebara yo na gaha tatamana aboro adu rogo ro yo, nimbakadi ga sapusapu he ni baro; agu abaakurungba dunduko nga ga baime na gaha abanzengere bakurungba nadu rogo ro yo, ka darã pa gamo bagibagiahe.
Aboro Aruvada na aboro Ereke adu kirikiri ri gamo angapa, aboro Gamada ki du rogo gamo kirikiri agbata; i aasi gayo avurakube ri gamo angapa kirikiri; i asa ngbanyaro ni teketeke he.
“Tarusisa aunda bagibagiahe na mo bambiko gamo bakere kumuko nadu ni angbatunga ha akia akia, i ki unda feda, na marã, na kpano, na donga tipa ngbe gamo ahe.
Aboro Dedana abagi ahe na mo; badungu aringara ti ngba gango baime yo adu ni gamo ndikidi baabagaahe, i aye na rindi mbarã ni mosoro foro, na ngua ebone a.
Edome abagi ahe na mo bambiko gamo mbakadimbakadi ahe nadu kpaima; i aunda zumeradi tipa gamo ahe, na ngungungu ahe, kendegekendege remu, na tutu roko ni giri nzibi, na kuru meme anyaime, na ngungungu mbia.
Yuda na ringara aYisaraere aunda ahe na mo; i aunda nganu tipa gamo bagibagiahe, na eraya na bambata zuzu vurumo, nzeme anyege, nzeme na tomengua ni ngua kaza.
Damaseke aunda ahe na mo tipa gamo mbakadimbakadi ahe nadu kpaima, bambiko gamo bakere kumuko nadu ni angbatunga ha akia akia; imekakue naye Erebone yo, na pusi mangenya,
Agu ababagiahe nga ga Seba yo na Rama aunda ahe na mo a; i aunda ahe tipa gamo ahe nga wene furú afuõangua dunduko, gu ngba ki susi, na kikiipa ambia dunduko, na dahabu.
Agi yo re aunda ahe na mo rogo ga babagaahe yo ni siasia aroko, ni kayaa aroko na kendegekendege aroko, na ni roko dadaahe ni angbatunga arangi, ni vodivodi he na agire ni nyanyaki he.
Gamo akumuko, na gamo ahe, na gamo bagibagi ahe, na gamo abanzengere bakurungba, gamo abandu na abaakurungba, gamo abambakadi sapusapu he, na gamo ababagi ahe, na gu gamo abasovura dunduko du rogo ro yo, na ga rimbasa agu aboro dunduko nga gu du be ro, si dunduko rinda ku bebere abaime yo ti uru ga tigo.
Agu araki rogo ringara du ti ngba gango baime yo dunduko du na bakere kiga mbiko ro; gayo abakindo ki nikio akio be ro ni kere he, kpakpuyo du ni zigizozigizo ho.