×

أَتَّوْرَتْ دَ أَنَّبَاوَا 2020

Ezekiyel 37

1
حَنُّنْ إِيكُوانْ يَهْوٜىٰهْ يَا سَوْكُواْ عَكَيْنَ، يَڢِتُواْ دَنِے تَوُرِنْ إِيكُوانْ رُوحُنْسَ يَكُمَ سَوْكَرْ دَنِے أَڟَكِيَرْ ݣُورِ، ݣُورِنْ كُوَ ثِكٜىٰ دَ ڧَسُسُوَ يَكٜىٰ؞
2
يَذَاغَيَ دَنِے عَثِكِنْسُ دُكَ، غَاشِ ݣُورِنْ يَثِكَ دَسُو ڢَلْ، ڧَسُسُوَنْ كُوَ بُوسَسُّ نٜىٰ سُواْسَيْ؞
3
سَيْ يَثٜىٰ مِنِ «يَا كَيْ طَنْ مُتُمْ، ذَيْ يِوُ وَطَنَّنْ ڧَسُسُوَ سُرَايُ؟» نِے كُوَ نَأَمْسَ نَثٜىٰ «يَا عُبَنْ‌غِجِ يَهْوٜىٰهْ ، كَيْ كَا سَنِ؞»
4
سَعَنً يَثٜىٰ مِنِ «كَيِ أَنَّبْثِ عَكَنْ ڧَسُسُوَنَّنْ، كَثٜىٰ مُسُ، ‹يَا كُو بُوسَسُّنْ ڧَسُسُوَ، كُجِ مَغَنَرْ يَهْوٜىٰهْ!›
5
إِنْجِنِ عُبَنْ‌غِجِ يَهْوٜىٰهْ ، نَا ثٜىٰ وَڧَسُسُوَنَّنْ، غَاشِ، ذَنْسَا نُمْڢَشِنْ رَيْ يَشِغَ ثِكِنْكُ، كُو كُوَ ذَاكُ رَايُ؞
6
ذَنْسَا مُكُ جِجِيُواْيِ، إِنْسَا نَامَ يَرُڢٜىٰكُ، إِنْكُمَ رُڢٜىٰكُ دَ ڢَتَ، إِنْسَا نُمْڢَشِنْ رَيْ عَثِكِنْكُ، كُو كُوَ ذَاكُ رَايُ؞ سَعَنً ذَاكُ سَنِ ثٜىٰوَ نِنٜىٰ يَهْوٜىٰهْ ؞»
7
سَيْ نَيِ أَنَّبْثِ كَمَرْ يَدَّ عَكَ عُمَرْثٜىٰنِ؞ سَعَدَّ نَيِ أَنَّبْثِ، سَيْ عَكَجِ مُواْڟِ دَ ڧَارَ، ڧَسُسُوَنْ سُكَ هَرْهَطُ دَ جُونَ، كُواْوَنٜىٰ ڧَشِ يَهَطُ أَ عِنْدَ يَا كَمَاتَ يَهَطُ؞
8
دَنَدُوبَ، سَيْغَا جِجِيُواْيِ عَكَنْسُ، نَامَ كُمَ يَارِغَا يَرُڢٜىٰسُ، سَعَنً ڢَتَ تَرُڢٜىٰ ڧَسُسُوَنْ، عَمَّا بَابُ نُمْڢَشِنْ رَيْ عَثِكِنْسُ؞
9
سَعَنً يَثٜىٰ مِنِ «يِ أَنَّبْثِ عَكَنْ إِسْكَرْ نُمْڢَشِنْ رَيْ، يَا كَيْ طَنْ مُتُمْ، يِ أَنَّبْثِ، كَثٜىٰ وَنُمْڢَشِنْ رَيْ، ‹إِنْجِنِ عُبَنْ‌غِجِ يَهْوٜىٰهْ ، يَا كَيْ نُمْڢَشِنْ رَيْ، سَيْ كَذُواْ دَغَ ݣُونَ حُطُ، كَهُورَ عَكَنْ وَطَنَّنْ مَتَتُّو دُواْمِنْ سُرَايُ؞› »
10
نَاكُوَيِ أَنَّبْثِ يَدَّ يَعُمَرْثٜىٰنِ، سَيْ نُمْڢَشِنْ رَيْ يَشِغَ ثِكِنْسُ، سُو كُوَ سُكَ رَايُ، سُكَتَاشِ سُكَ ڟَيَ دَ ڧَڢَاڢُنْسُ؞ سُكَ ذَمَ بَبَّرْ ضُنْدُنَا؞
11
سَعَنً يَثٜىٰ مِنِ «يَا كَيْ طَنْ مُتُمْ، وَطَنَّنْ ڧَسُسُوَ سُونٜىٰ دُكَنْ غِدَنْ إِسْرَٰٓءِيلَ؞ غَاشِ، سُنَ ثٜىٰوَ ‹ڧَسُسُوَنْمُ دُكْ سُنْ بُوشٜىٰ، مُنْ ڢِدَّ ذُوثِيَا، أَنْكَوَرْ دَمُو كَكَڢْ؞›
12
سَبُواْدَ حَكَ، يِ أَنَّبْثِ كَثٜىٰمُسُ، ‹إِنْجِنِ عُبَنْ‌غِجِ يَهْوٜىٰهْ ، ذَنْ بُوطٜىٰ كَبُرْبُرَنْكُ، إِنْ ڢِتَرْ دَكُو دَغَ ثِكِنْسُ؞ يَا مُتَنٜىٰنَ، ذَنْ سَاكٜىٰ مَيْدَكُو غِدَا ذُوَا ڧَسَرْ إِسْرَٰٓءِيلَ؞
13
ذَاكُ سَنِ ثٜىٰوَ نِنٜىٰ يَهْوٜىٰهْ ، سَعَدَّ نَبُوطٜىٰ كَبُرْبُرَنْكُ نَكُمَ ڢِتَرْ دَكُو دَغَ ثِكِ، يَا مُتَنٜىٰنَ؞
14
ذَنْسَا رُوحُنَ عَثِكِنْكُ ذَاكُ كُوَ رَايُ؞ ذَنْسَاكُ عَڧَسَرْكُ، سَعَنً ذَاكُ سَنِ ثٜىٰوَ نِے يَهْوٜىٰهْ نَيِ مَغَنَ ذَنْ كُوَ عَيْكَتَ؞ نِے يَهْوٜىٰهْ نَا ڢَطَا؞› »
15
يَهْوٜىٰهْ يَايِ مَغَنَ دَنِے ثٜىٰوَ
16
«يَا كَيْ طَنْ مُتُمْ، كَطَوْكِ سَنْدَا، كَيِ رُبُوتُو عَكَنْ سَنْدَنْ كَثٜىٰ، ‹دُواْمِنْ يَهُودَ، تَرٜىٰدَ مُتَنٜىٰنْ إِسْرَٰٓءِيلَ وَطَنْدَ سُكَ حَطَكَيْ تَرٜىٰ دَشِ؞› كَسَاكٜىٰ طَوْكِ وَنِ سَنْدَا، كَيِ رُبُوتُو عَكَنْسَ كَثٜىٰ، ‹دُواْمِنْ يُوسُڢَ، وَتُواْ سَنْدَنْ إِڢْرَيِمْ دَ دُكَنْ غِدَنْ إِسْرَٰٓءِيلَ وَطَنْدَ سُكَ حَطَكَيْ تَرٜىٰ دَشِ؞›
17
كَهَطَ سَنْدُنَنْ سُذَمَ سَنْدَا طَيَ عَثِكِنْ حَنُّنْكَ؞
18
سَعَدَّ مُتَنٜىٰنْكَ سُكَثٜىٰ مَكَ، ‹بَذَاكَ نُونَ مَنَ أَبِنْدَ كَكٜىٰ نُڢِ دَ وَطَنَّنْبَ؟›
19
كَثٜىٰمُسُ، إِنْجِنِ عُبَنْ‌غِجِ يَهْوٜىٰهْ ، ‹غَاشِ، ذَنْ كَرْٻِ سَنْدَنْ يُوسُڢَ، وَتُواْ وَنْدَ يَكٜىٰ أَ حَنُّنْ إِڢْرَيِمْ دَ كُمَ ظُرِيُواْيِنْ إِسْرَٰٓءِيلَ وَطَنْدَ سُكَ حَطَكَيْ تَرٜىٰ دَشِ، ذَنْ حَطَشِ دَ سَنْدَنْ يَهُودَ، إِنْ مَيْدَسُو سَنْدَا طَيَ، دُواْمِنْ سُذَمَ سَنْدَا طَيَ أَ هَنُّونَ؞›
20
سَيْ كَرِڧٜىٰ سَنْدُنَنَّنْ دَكَيِ رُبُوتُو عَكَنْسُ أَعِدُوانْ مُتَنٜىٰ،
21
كَڢَطَا مُسُ ثٜىٰوَ ‹إِنْجِنِ عُبَنْ‌غِجِ يَهْوٜىٰهْ ، ذَنْ كُواْمُواْ دَ مُتَنٜىٰنْ إِسْرَٰٓءِيلَ دَغَ ثِكِنْ أَلْعُمَّيْ عِنْدَ سُكَ وَرْوَڟُ، ذَنْ كُوَ تَتَّارُواْسُ دَغَ دُكَنْ ڧَسَاشٜىٰ كٜىٰوَيٜىٰ دَسُو، إِنْمَيَرْ دَسُو ذُوَا ڧَسَرْسُ؞
22
ذَنْ مَيْدَسُو أَلْعُمَّ طَيَ عَثِكِنْ ڧَسَرْ عَكَنْ مَنْيَنْ تُدَّنْ إِسْرَٰٓءِيلَ؞ سَرْكِے طَيَ ذَيْ يِمُلْكِنْسُ دُكَ، بَذَاسُ ڧَارَ ذَمَ أَلْعُمَّ بِيُبَ، بَكُوَ ذَاسُ ڧَارَ رَبُوَ سُذَمَ مُلْكِ بِيُ بَكُمَ؞
23
بَذَاسُ ڧَارَ ڧَظَنْتَرْ دَكَنْسُ دَ غُمَكَ دَ أَبُبُوَنْسُ نَڧَظَنْتَبَ؞ بَكُوَ ذَاسُ ڧَارَ ڧَظَنْتَرْ دَكَنْسُ دَ ذُنُوبِنْ غَنْ‌غَنْثِنْسُبَ؞ ذَنْثٜىٰثٜىٰسُ دَغَ دُكَنْ كَوْثٜىٰوَرْ دَسُكَ ڢَاطِ عَثِكِ، إِنْكُمَ ڟَبْتَثٜىٰسُ؞ ذَاسُ ذَمَ مُتَنٜىٰنَ، نِے كُمَ ذَنْ ذَمَ اللَّهْ نْسُ؞
24
« ‹بَاوَنَ دَاوُدَ كُمَ ذَيْ يِمُلْكِ عَكَنْسُ؞ دُكَنْسُ ذَاسُ سَامِ مَكِيَايِ غُدَا طَيَ؞ ذَاسُبِے عُمَرْنَيْنَ سُكُمَ كِيَايٜىٰ ڧَٰعِدُواْدِنَ؞
25
ذَاسُ ذَوْنَ عَڧَسَرْدَ نَبَا يَعْڧُوبَ بَاوَنَ، عِنْدَ كَاكَنِّنْسُ سُكَ ذَوْنَ؞ سُو دَ یَیَنْسُ دَ جِيكُواْكِنْ یَیَنْسُ ذَاسُ ذَوْنَ حَرْ أَبَدَا، دَاوُدَ بَاوَنَ ذَيْ ذَمَ سَرْكِنْسُ حَرْ أَبَدَا؞
26
ذَنْيِ يَرْجٜىٰجٜىٰنِيَرْ سَلَمَ دَسُو؞ ذَنْسَا يَرْجٜىٰجٜىٰنِيَرْ نَنْ تَكَسَنْثٜىٰ تَهَرْ أَبَدَا؞ ذَنْ سَاكٜىٰ ڧَڢَسُ عَڧَسَرْسُ إِنْسَا سُيَلْوَتَ، ذَنْ كَڢَ وُرِنْ ذَمَنَ مَيْ ڟَرْكِے أَڟَكِيَرْسُ حَرْ أَبَدَا؞
27
وُرِنْ ذَمَنَ ذَيْ كَسَنْثٜىٰ أَڟَكِيَرْسُ؞ ذَنْ ذَمَ اللَّهْ نْسُ، سُكُمَ سُذَمَ مُتَنٜىٰنَ؞
28
سَعَنً أَلْعُمَّيْ ذَاسُ سَنِ ثٜىٰوَ نِے يَهْوٜىٰهْ نٜىٰ نَا ڟَبْتَثٜىٰ إِسْرَٰٓءِيلَ، سَعَدَّ نَكَڢَ وُرِنْ ذَمَنَ مَيْ ڟَرْكِے أَڟَكِيَرْسُ حَرْ أَبَدَا؞› »
Hausa Bible Arabic 2020
Hausa Common Language Ajami Bible The Bible Society of Nigeria, 2020
:
Adana Bayanan kula