M k'e sehutọ ị, bu ukpo che i agban, dọkpụnrụn yụ lẹ ndị-agha ị ile — kẹ ẹshin i kẹ ndị-agha ị gi ẹshin a lụ agha, uwẹ lẹ ẹwuru-agha wẹ zu oke; igwerigwe ndị-agha ị hụn busọnmẹ akpaịn uku lẹ nke nta, wẹ ile ndị ma gi ọpịa-agha lụ agha;
Ị k'a sị, “M sikọ d'a maye alị Izrẹlụ: ụmụ-alị mgbọn rịlẹni jun ẹ; wẹ nọdịhụ nke wẹ, e bi udọn-lẹ-ndọnkwa; atụnhunmẹni wẹ wẹ mgbọn, ọnụ-mgbọn w'a kpọkin arịa.
Ụnụ jẹnkọ d'a maye ndị nke m wụ Izrẹlụ, rukpumẹ alị wẹ nọkẹ orukpu. Ihun-ihun k'o k'e mẹ. M k'e wẹhẹ i d'a maye alị m ọgụn, kẹni ndị alị ichẹn-ichẹn gi ihiẹn m k'e mẹ i marịn onyẹ m wụ ogẹn m'e gi nọ idẹnya wẹ gi i ghọsị nị m rị nsọ.
“ ‘Osolobuẹ Nwọn Ihiẹn Ile sị: Ẹlẹ yụ kẹ m ku oku ẹ mbụ ghahanị idibo m ndị-amụma Izrẹlụ hụn busọnmẹ amụma ahụa ndị hụ ile nị m k'e wẹhẹ i d'a maye wẹ?
Azụn rị imẹ ohimin, nnụnụ rị e fe elu, anụmanụ rị ọfịa, ihiẹn ile a rịnị lẹ ịhịan ile rị elu-ụwa k'e mẹhunmẹ makẹ ufiri m. Ugu k'a dan; ugu lẹ ebe ile jẹn elu a gbajịja; mgbọn ile k'a dan alị.
M k'e gi eje-emu lẹ ogbugbu ye ẹ afụnfụn; m k'e hu okẹn-mirin lẹ ẹkwan-igwere lẹ ọkụn lẹ nsịn-ẹnyanwụn kpu Gọgụ lẹ ndị-agha a lẹ alị ndị ọzọ ahụn bu ọda ya lẹ wẹ wị.