ɛn a go tɔn una rawnd, ɛn put uk dɛn insay una jɔ dɛm, ɛn a go pul yu kɔmɔt ɛn ɔl yu ami, yu ɔs dɛm, ɛn ɔsman dɛm, we dɛn ɔl wɛr ful amɔ, wan pawaful krawd, dɛn ɔl gɛt smɔl shild ɛn big shild, ɛn sɔd dɛn we dɛn de yuz
Afta bɔku de dɛn dɔn pas, yu go dɔn gɛda gud pan di las ia dɛn we gɛt fɔ kam; yu go go agens di kɔntri we dɔn kɔmɔt pan wa ɛn dɔn bil bak di kɔntri usay pipul bin dɔn gɛda frɔm bɔku neshɔn dɛn pan di Izrɛl mawnten dɛm we bin dɔn bi yuslɛs fɔ lɔŋ lɔŋ tɛm; di pipul dɛn bin dɔn kɔmɔt pan di neshɔn dɛn naw dɛn ɔl tap sef wan.
ɛn se, ‘A go go fɛt agens di kɔntri we di vilej dɛn nɔ gɛt wɔl; a go atak di kwayɛt pipul we tap sef wan, dɛn ɔl nɔ gɛt wɔl dɛn, ɛn sɛf nɔ gɛt ba dɛn ɔ get’;
fɔ siz tin dɛn bay fos ɛn kɛr tif tiŋs na wa dɛm go; fɔ atak di ples dɛn we bin yuslɛs bɔt usay pipul dɛn dɔn tap naw, ɛn di pipul we dɛn bin gɛda kɔmɔt na difrɛn neshɔn dɛm, we dɔn gɛt kaw dɛm ɛn prɔpati dɛm, we tap midul di wɔl.
Shiba ɛn Dedan ɛn di Tashish treda dɛm ɛn ɔl in vilej dɛm go se to yu, “yu dɔn kam fɔ siz tin dɛn bay fos? Yu dɔn gɛda ɔl yu kɔmred dɛn so dat yu go kɛr tiŋs dɛn go, yu go kɛr silva ɛn gol, yu go tek kaw dɛn ɛn prɔpati dɛn, ɛn fɔ siz bɔku tin dɛn bay fos?
Yu go kam ɔp agens mi Izrɛl pipul, lɛk klawd we de kɔba di kɔntri. Pan di de dɛn we gɛt fɔ kam biɛɛn, a go briŋ yu kan agens mi kɔntri, so dat di neshɔn. Dɛn go no mi, wɛn pan yu, O Gɔg, a go pruv mi olinɛs bifo dɛn yay.
‘Na dis PAPA GƆD se: Na yu na di wan we a bin tɔk bɔt pan di de tɛn bifo, bay mi savant dɛm, di Izrɛl prɔfɛt dɛm, we bin de prɔfisay dɛn tɛn dɛn de, fɔ bɔku ia dɛm, dat a go briŋ yu kam pan dɛm?
Di fish dɛn na di si, ɛn di bɔd dɛn na di skay, ɛn di bist dɛn na di fil, ɛn ɔl dɛn tin dɛn we de krip na grɔn, ɛn ɔl di mɔtalman dɛn na di wɔl, go trimbul bad bad wɛn dɛn fil mi se a de, ɛn dɛn go trowe di mawnten dɛn na grɔn, ɛn di klif dɛn go fɔdɔm, ɛn ɔl dɛn wɔl go fɔdɔm kwik kwik wan kam na grɔn.
A go kɛriawt jɔjmɛnt insay an wit bad bad sik we de kil, ɛn blɔd we go de flo, ɛn a go sɛn lɛk ren, pan am, ɛn pan in bɔku krawd dɛn ɛn di bɔku difrɛn difrɛn pipul we de wit am, ebi ebi ren, wit elston, faya ɛn sɔlfa.