Bang’e joma odak e miech Israel nodhi mondo ochok gi-lweny mojwang’, mondo obed yien ma gichwako. Kuodi gi okumbni, kod aserni gi atunge, kaachiel gi arunge kod tonge ma gichoko nobed yien moromogi chwako kuom higni abiriyo.
Ok ginidhi e thim mondo gimoti, kata dhi e bungu mondo gitong’ yien, nikech ginibed ka gichwako gi-lweny mojwang’go. Ginipe kendo giniyak jogo mane opeyogi kendo oyakogi. An Ruoth Nyasaye ema awacho kamano.”
Ruoth Nyasaye nowacho kendo niya, “Chieng’ ma gigo duto otimore to anami Gog kar yik e Israel, e holo miluongo ni, Holo Jowuoth, man yo wuokchieng ma yo Nam Kado. Gog kod jolwenje duto noyik kanyo, kendo holono noluong ni Holo mar Oganda Jolwenj Gog.
“Ka dueche abiriyogo oserumo, to noyier ji ma nosiki ka wuotho e piny mondo oyik ringre joma otho ma giyudo ka pod oriere ewi lowo. Kamano mondo gipuodh piny obed maler.
Ka giwuotho e piny koni gi koni to kinde duto ma giyudoe chok dhano to giniket ranyisi e bathe mondo ka jokunyo obiro, to mondo oyike e Holo Oganda Jolwenj Gog.
kendo ogendini mamoko nong’e ni ne oter jo-Israel e tuech nikech richo mane gitimo ka giweya. Ne ajwang’ogi e lwet wasikgi, kendo aweyo githo giduto e lweny.
Eka joga nong’e ni an e Ruoth Nyasaye ma Nyasachgi, nikech ne aterogi e tuech, to koro achokogi kaduogogi e pinygi giwegi ma ok aweyo kata achiel chien.