پوءِ انهيءَ ماڻهوءَ هيڪل جي عمارت جي ڀت جي ٿولهہ ماپي، جيڪا ٽي ميٽر هئي. انهيءَ ڀت وٽ عمارت جي ٽن پاسن تي ڪمرا ٺهيل هئا جن مان هر هڪ جي ويڪر ٻہ ميٽر هئي.
انهيءَ ماڻهوءَ هيڪل جي عمارت جي ٻاهرين پاسي جي ماپ ڪئي، جنهن جي ڊيگھہ پنجاهہ ميٽر هئي. هيڪل جي اولاهين پاسي واري عمارت ۽ ان جي ڀتين جي ڪل ڊيگھہ وچ واري خالي ڇڏيل جاءِ سميت پنجاهہ ميٽر هئي.
آخر ۾ هن اولهہ طرف واري عمارت جي اتر ڏکڻ واري ڊيگھہ ڀتين جي ڪانسن سميت ماپي جيڪا پنجاهہ ميٽر هئي. هيڪل جي عمارت جي داخل ٿيڻ واري ڪمري ۽ مقدس جاءِ تي ڪاٺ لڳل هو.
هيڪل جي عمارت جون اندريون ڀتيون سردرن کان بہ مٿي تائين توڙي ٻاهريون سڀيئي ڀتيون چوڌاري پردار آسماني مخلوق جي مجسمن ۽ کجيءَ جي وڻن جي تصويرن سان پوريءَ طرح سينگاريل هيون. هر پردار آسماني مخلوق کان پوءِ هڪ هڪ کجيءَ جو وڻ هو ۽ هر پردار آسماني مخلوق کي ٻہ ٻہ منهن هئا.
هر هڪ مخلوق جو انساني منهن هڪڙي پاسي واري کجيءَ جي وڻ ڏانهن هو ۽ ان جو شينهن وارو منهن ٻئي پاسي واري کجيءَ جي وڻ ڏانهن هو. سڄي عمارت جا اندريان چار ئي پاسا
مقدس جاءِ جي دروازي جي تاڪن تي پردار آسماني مخلوق جا مجسما ۽ کجيءَ جا وڻ سينگاريل هئا، جهڙيءَ طرح ڀتين تي ڇاپيل هئا. داخل ٿيڻ واري ڪمري جي دروازي جي ٻاهران ڪاٺ جي ڇٽي ٺهيل هئي.