Ni ki ngbe fere ku mbata yo ku zegi yo ku rogo gu vurukporo du ku zegi yo, bara ku nodiyo, ni ki ye na mi ku avuru bambu yo nadu barangba vurukporo yekaru na barangba gu bambu du ku nodi yo.
Tangaratangara avuru bambu gbia kuti kura tangaratangara ha ni kparakakparaka agene biata adu ni zunguzungu he na gu ue dagba rago adu wa bagiza mbiribe 20 du ti gu vurukporo du dimoyo, nasa kpakpuhe sa gene kpakakpaka ambia du vurukporo ku zegi yo.
Bambiko si adu ni kparakakparaka ha rogo ho biata, si adu nga na adangba wa gu vurukporo du ku zegi yo te; si du agu avuru bambu nadu ku ari si adu ni gbisigbisi he ku gii he susi gu bambata ha na gu du bebere he yo.
Vuro bambu adu ku zegi yo nandu nzunzu sa avuru bambu, koyo du vurukporo ni ku zegi yo, si adu barangba avuru bambu, bagizaha adu wa bagiza mbiribe 50.
na gene barangba ha; si adu wa sa na agu avuru bambu nadu ku nodiyo, bagizaha ki du wa sa na patihe, abakura adu ti ni wa sa na ga gu, na apaha na angbadimo a.
Ni ki ya fere, “Agu avuru bambu du ku nodiyo, na agu avuru bambu du ku sudiyo barangba vurukporo adu ni kparakpara abambu, yo agu aboromotumo nambeda na Yekova ka ri agu amotumo ni du ni ziazia ha susi; yo i ka maa agu amotumo ni du ni ziazia ha susi nga motumo riahe, motumo ingapai, na motumo tiandika, bambiko gu ba re du ni kparakpara ha ziazia.
Ho aboromotumo nirimi ni ku kparakpara ziazia ba yo, i anikuru nga ku zegi yo vurukporo yo zanga mbu agu aroko i namanga sunge na ni dimo yo te, bambiko si nga kparakpara ahe; i aniukadi tiyo na kura roko kia mbata i nikandu mbembedi sa agu ahe du tipa aboro.”
Were ho ni anyasi ringbisa pa ndikidi vuru gu rago nga ga yekaru ni, ni ki kuru na mi ngba gu ngbadimo nasa kpakpuhe ku uroyo, ki ringbisi gu rago nga ga yekaru zegi kirikiri.
Ni aringbisi he ti agu apavuruhe biama. Si adu na ngapa kirikiri pati he, bagiza ha adu wa bagiza mbiribe 500, patihe ki du wa bagiza mbiribe 500, ngapa akparaka dagba kparakpara ba na kungba ba.