Ɛn di vishɔn we a bin si bin tan lɛk di vishɔn we a bin si wɛn PAPA GƆD bin kam fɔ distrɔy di big siti, ɛn lɛk di vishɔn we a bin dɔn si nia Riva Chɛba; ɛn a fɔdɔm wit mi fes
ɛn i tɛl mi se, “Mɔtalman, na ya mi tron de, ɛn na di ples we mi ɔndafut dɛn de, usay a go tap midul di Izrɛl pipul so te go. Ɛn di Izrɛl pipul nɔ go dɔti mi oli nem igen igen; dɛm o, dɛn kiŋ dɛm o, dɛn rare layf o, ɛn dɛn kiŋ dɛn dedebɔdi dɛm o, nɔ go dɔti mi nem igen
we dɛn kin de mek dɛn ɛntrans bay mi yon ɛntrans, ɛn dɛn dopost dɛn sayd mi yon dopost dɛm, wit jis wangren wɔl bitwin mi ɛn dɛn. Dɛn dɔn dɔti mi oli nem wit di tin dɛn we dɛn de du we a et bad bad wan, fɔseka dat a dɔn distrɔy dɛm we a vɛks.
Ɛn if dɛn shem fɔ ɔl wetin dɛn dɔn du, drɔ di tɛmpul, aw i fɔ tan, di say dɛn we fɔ kɔmɔt go na do ɛn fɔ go insay, ɛn aw i fɔ luk lɛk wanol wan, ɛn mek dɛn no ɔl in ɔda dɛm ɛn ɔl in lɔ dɛm, ɛn rayt ɔl dɔŋ bifo dɛm, so dat dɛn go pe atɛnshɔn ɛn du ɔl wetin in lɔ dɛn se.
Dis na di ɔlta in mɛzɔmɛnt bay mita (af mita na af mita ɛn wan an wayd): in bes go bi af mita ay, ɛn af mita wayd, ɛn di rawnd ɛj go bi kwata mita. Ɛn na so di ɔlta go ay:
Ɛn i tɛl mi se, “Mɔtalman, na dis PAPA GƆD se: dis na di ɔda dɛn fɔ di ɔlta: di de we dɛn go sɛt am ɔp fɔ mek dɛn go de du ɔfrin dɛn we na fɔ bɔn pan am ɛn fɔ sɛn blɔd agens am.
Yu go gi wan man kaw fɔ sin ɔfrin to di Lɛvitikal man we de mek sakrifays fɔ pipul sin dɛm we blant Zedɔk in famili, ɛn de go nia to mi PAPA GƆD fɔ minista to mi.
Ɛn wɛn dɛn dɔn dɔn dɛn de ya, frɔm di nɔmba et de te go, di man dɛn we de mek sakrifays fɔ pipul sin go ɔfa pan di ɔlta una ɔfrin dɛn we na fɔ bɔn, ɛn una pis ɔfrin dɛn; ɛn a go gri fɔ una, PAPA GƆD tɔk se.