Gu yuguyuguhe mi abi si adu wa gu yuguyuguhe mi abi ho ni aye ni ka gbarasa bakporo, na wa gu yuguyuguhe mi abi pati di Kebara yo; mi ki ti ni kpakpure ku sande.
ni ki ya fere, “Wiri boro, gere nga ba gi mbatabakindo na ba kpandure yo, yo mi akaraka ni dagba awiri aYisaraere nye anye kindi. Ka ngbatunga aYisaraere abírikosi nga ziazia rimore berewe ya, i tigayo, na gayo abakindo a ya, ni gayo pa bari, na be kangba gayo abakindo,
ni maa gayo barima bambu pati gi barima bambu na gayo angua pangbadimo pati gimi angua pangbadimo, na kina ngapa dagba re na yo. I birikosi ziazia rimore ni gayo kere gbegberẽ apai nga gu mangi yo ho, si du mi nyasi yo rogo gi zinga.
Ka zee mangi yo mbiko agu apai dunduko mangi yo ho, mo ringbisi pa kpia yekaru, na ringbisa paha, waĩ du he na gaha abakura na gaha abarima, na kpiaha dunduko; mo yúgu pa gaha arugaapai dunduko fu yo i ini he, na gaha arugute dunduko; mo ké pa ha ku bangiriyo, i ka kuti pa ha na gaha rugaapai dunduko ka amanga ha.
Gere nga gu rugute nga ga yekaru: ringara dunduko kirikiri ri bagangara yo adu ni kparakpara ha ziazia susi. Mo ngére, gere nga gu rugute nga ga yekaru.
“Gere nga gu ringbisi nga ga bamotumo ni bagiza mbiribe. Bagiza mbiribe ki du wa bagiza mbiribe gbiakuti bakia pabe. Mburuhe adu wa bagiza mbiribe sa ku ari, patihe ki du wa bagiza mbiribe sa, na ngbaha wa bakia tona ti bawirinzaga dati tanga wirinzaga kirikiri ti ngbaha. Basona bamotumo adú wa gere:
tona ti mburuhe ku sende sa bambata ngbaha adú wa bagiza mbiribe ue, patihe ki du wa bagiza mbiribe sa; na tona ti toni pangbaha sa gu babakere pangbaha, bagizaha adu wa bagiza mbiribe biama, patihe ki du wa bagiza mbiribe sa;
Pavuru pangbaha biama ku ari adu wa sa a, bagizaha ki du wa bagiza mbiribe 14, patihe ki du wa bagiza mbiribe biama, na ngbaha ti ni kirikiri ki du wa bebere bagiza mbiribe sa, mburuhe ki du wa bagiza mbiribe sa kirikiri. Babita ti bamotumo asá kpakpuhe ku uroyo.”
Ni ki ya fere, “Wiri boro, ya Gbia MBORI wẽ: Gere nga agu arugaapai tipa bamotumo: Ni gu uru ho i ka dua ha ni tipa tumo ni zozo amotumo ku auru he na tipa uka kure kuti ni,
mo ka fu babagara sa tipa motumo ingapai fu aboromotumo nga ga Revi yo nga ngbatunga Sadoka, nga agu yo nambeda na mi ka manga pa re, wo poi Gbia MBORI,
Mo ki nidi bete kureru, ki kpe he ti agu agbanga du biama ti bamotumo, na ti gu atukpuhe biama du ti pangbaha, na ri ngbaha kirikiri; were mo ka nigirisi bamotumo ki nimangi pa dada ingapai tipa ha,
Hoi ka ninyasi agi arame ni re, ti muambi rame na ku mbata yo aboromotumo ka nitumo na gaoni zozo amotumo ri bamotumo na gaoni motumo zereda; mi ki niidi pa roni, wo poi Gbia MBORI.”