×

Ika Bible 2018

Izikẹlụ 46

1
“ ‘Osolobuẹ Nwọn Ihiẹn Ile sị: Wẹ k'a kpọkin ọnụ-mgbọn hụn rị ezi ọgwa rị imẹ, hụn rị ibe ọwụwa-ẹnyanwụn, ọrọgbọ akpọhịn isin wẹ gi a rụn ọrụn. Kanị, wẹ k'a kpọpụ a ụhụọhịn Ezumikẹn lẹ ụhụọhịn mmẹmmẹ ifọn gi pụ.
2
Onyẹ-ọkịkị k'a gha ẹtu-ụlọ rị ihun ọnụ-mgbọn hụn rị imẹ banhan. O wuzoyeni idẹn-ẹjan ọnụmụzọ wẹ gha a pụ ezi-ọgwa rị imẹ. Ndị nchụn-ẹjan k'a chụnn'a ẹjan w'a kpọ ọkụn lẹ ẹjan-mkpanmịn o wẹhẹ. Ọ nọ ebahụn kụ isi alị, ọ pụ. Kanị akpọkinkọ wẹ ọnụ-mgbọn ahụn d'e ru ẹnyasị.
3
“ ‘Ndị alị k'a nọ ezi-ọgwa, ihun Osolobuẹ, ebẹhụ wẹ gha a banye ọnụ-mgbọn hụ, kụ isi alị ogẹn Ezumikẹn ichẹn-ichẹn lẹ mmẹmmẹ ifọn gi pụ.
4
Ẹjan w'a kpọ ọkụn onyẹ-ọkịkị k'e wẹhẹni Osolobuẹ ụhụọhịn Ezumikẹn wụ ụmụ atụnrụn isin ẹhụ wẹ zu oke lẹ ebulu ohu zu oke.
5
Oyiye-ọka ya lẹ ebulu k'a wị wụ adana-ẹfa ohu; ya weri oyiye ọka o k'a saẹka ye cheni atụnrụn ndị ahụn; o we ofugbọn-olivu k'e jun galọnụ ohu cheni adana ọka ohu-ohu.
6
“ ‘Ụhụọhịn ifọn pụ, o k'e wẹhẹ nwa okẹn-efin ẹhụ a zu oke, ụmụ atụnrụn isin lẹ ebulu ohu ẹhụ wẹ zu oke.
7
Ọka jun adana-ẹfa k'e sọn nwa okẹn-efin ahụn, hụn jun ẹfa ohu e sọn ebulu hụ, o we hụn o k'a saẹka ye cheni mmụ atụnrụn isin ahụn, o we galọnụ ofigbọn-olivu cheni adana ọka ohu-ohu.
8
“ ‘Onyẹ-ọkịkị banlanị, ọnụmụzọ ahụn rị ezi-ọgwa ibuzọ hụn o k'a gha banhan k'o k'a gha pụ.
9
“ ‘Ndị alị bịa d'e fe Osolobuẹ ogẹn mmẹmmẹ ndị ahụn Osolobuẹ tumẹ, onyẹ gha ọnụ-mgbọn ẹbamịn-ugu banhan, ọ gha ọnụ-mgbọn ẹbamịn ndịdan pụ; onyẹ gha ọnụ-mgbọn ndịdan banhan ọ gha ọnụ-mgbọn ẹbamịn-ugu pụ. Onwọnni onyẹ sikọ d'a gha ebe ọ gha banhan pụ, onyẹ-onyẹ k'a gha hụn bu ihun zinmẹ hụn ọ gha banhan pụ.
10
Onyẹ-ọkịkị k'a rị imẹ igunrun wẹ wẹ banyekọnị lẹ wẹ pụkọnị.
11
“ ‘Ogẹn mmẹmmẹ lẹ ogẹn ichẹn-ichẹn wẹ kaye wẹ gi e mẹ wẹ, adana ọka ohu lẹ okẹn-efin ohu k'a wị, adana ohu lẹ ebulu ohu, o weri ọka hụn o k'a saẹka ye cheni ụmụ atụnrụn ndị hụ, we galọnụ ofugbọn-olivu cheni adana ọka ohu-ohu.
12
“ ‘Onyẹ-ọkịkị bịa d'e ye Osolobuẹ oyiye ghapụha a obi — ikẹnkwọ ẹjan w'a kpọ ọkụn mọbụ ẹjan-ekele, wẹ k'a kpọpụn'a ọnụ-mgbọn rị ibe ọwụwa-ẹnyanwụn, ọ chụn ẹjan a ndị hụ k'o dọn e mẹ Ụhụọhịn Ezumikẹn. Omẹgụ ọ pụ, a kpọkin wẹ ọnụ-mgbọn hụ.
13
“ ‘Ụhụọhịn-ụhụọhịn, gi ni nwa-atụnrụn ahụa ohu ẹhụ a zu oke chụnyeni Osolobuẹ ẹjan w'a kpọ ọkụn. Ụtụntụn ọwụlẹ kẹ ụnụ e gi a chụn a.
14
A chụnye ni ya lẹ oyiye-ọka ụtụntụn ile, adana ohu wẹ kebe ụzọ isin hụn wẹ huye galọnụ ofigbọn-olivu. E yeni Osolobuẹ oyiye-ọkanị. Iwuni k'a rị jẹnrin ejẹn.
15
Ya wụ, wẹ k'e wẹhẹ nwa-atụnrụn lẹ oyiye-ọka lẹ ofugbọn ụtụntụn ile jẹnrin ejẹn, e gi wẹ a chụn ẹjan w'a kpọ ọkụn.
16
“ ‘Osolobuẹ Nwọn Ihiẹn Ile sị: Onyẹ-ọkịkị nọ alị a ye nwa a ọwụlẹ alị, o k'a wụrụ nke nwa a hụ, wụrụ nke ụmụ-nwa a, wụrụ ukuu wẹ.
17
Kanị onyẹ-ọkịkị nọ alị a ye ndị ihu ẹ, alị ahụn sikọ d'a wụ nke hụnyẹ d'e ru ahụa Iweri enwẹn ịhịan; o ruọlẹ ahụa hụ, o họnrinzi nke onyẹ-ọkịkị lẹ ụmụ a ikẹnnyẹ; nke ụmụ a ikẹnnyẹ rọ.
18
Onyẹ-ọkịkị anarịnkọ ịhịan ihiẹn ọwụlẹ wụ ukuu ẹ, ọ bịangbukọ wẹ napụ wẹ ihiẹn wẹ. Alị a sụọ k'o k'a nọ ye ụmụ a, amamgbe o nwọn onyẹ wẹ chụpụ alị a imẹ ndị nke m.’ ”
19
Okẹnnyẹ hụ rị a ghọsị m ihiẹn nọ duru m gha ọnụmụzọ rị nkọ ọnụ-mgbọn, wẹhẹ m mmughẹ ndị ahụn rị nsọ, hụn bu ihun zinmẹ ibe ẹka-nni ọwụwa ẹnyanwụn, mmughẹ ndị nchụn-ẹjan. M nọ hụn ebe ohu rịchanrịn nkọ ọdịdan ẹnyanwụn.
20
Ọ nọ sị m, “Ebeni kẹ ndị nchụn-ẹjan k'a nọ e shi anụ wẹ gi chụn ẹjan-ndọnzi lẹ ẹjan-njọ, ya kẹ w'a nọ e shi oyiye-ọka, amamgbe w'e wepụha oyiye ndị ahụn ezi-ọgwa ibuzọ, gi ẹ dọ ndị mmaka ye ihiẹn w'a sọ lẹ eje-ihiẹn e sọnn'ẹ.”
21
Ya ọ nọ nwan wezi m pụ ezi-ọgwa ibuzọ, we m ghasọnmẹ ntịn ẹnịnọ rị ezi-ọgwa ibuzọ ahụn: e lee ezi-ọgwa mẹ ẹkẹrẹ-ẹkẹrẹ rị ntịn ẹnịnọ ezi-ọgwa ahụn!
22
Ntịn ẹnịnọ ndị ahụn nwọnsọnmẹ ebe wẹ tụnhunmẹ mgbọn. Usue wẹ wụsọnmẹ ụbụkụ iri kwasị ọgụn ẹtọ, ụshịa wẹ wụsọnmẹ mmẹbụọ lẹ mkpikpi kwasị ọgụnnaị.
23
Ọgbara-ẹjan wẹ gi ọmụma tụn rị imẹ wẹ ẹnịnọ. Ẹnya-ọkụn wẹ k'a nọ e shi ihiẹn-oriri rịsọnmẹ ukun ọgbara-ẹjan hụ.
24
Ọ nọ sị m, “Ndịnị wụ ukelu ndị a rụn ọrụn imẹ Ụlọ-nsọ k'a nọ e shi ihiẹn ndị alị gi chụn ẹjan.”
Ika Bible 2018
2018, Mission for Language Translation/Ika Bible Translation Committee. 2018, Wycliffe Bible Translators, Inc
:
Save Notes