×

Biblia Ande Chib Romani 2018

Ezekiel 46

1
Gia phenda o Del o Gazda: O udar katar e bar kai si andre karing perel o kham ka avel phanglo e sov llive kai radilpe, ta ando sabado ka putaol, ta ka putaol i ando llive katar o nevo chon.
2
Ta o gazda e foroko ka del katar o drom katar o udar kai del kai o udar kai si avri, ta ka achel pe porrne telal katar o udar kana e popura ka cheren leko kurbano kai phabardol ta so si dino letar pala e pas, ta ka blagosil e Devle pasa o than kai del karing o udar, mapalal ka likel ta o udar ni ka phanden le llik pasa e riat.
3
Isto gia e llene katar e phuv ka blagosin e Devle, po than kai del karing o udar, ande llivesa sabado ta ande llivesa kai mesechina.
4
O kurbano kai ka del o gazda katar o foro ando llive sabado ka avel sov bakre kai inai leke niso bilacho, ta iek bakro singenchar kai inai leke niso bilacho,
5
Pala suako bakro singenchar kai ka avel dino ka delpe
6
A ando llive katar o nevo chon, ka den iek telcho kai inai leke niso bilacho, sov bakre, ta iek bakro singenchar, ta trubul te na avel lenge niso bilacho.
7
Pala suako telcho, ta suako bakro singenchar, ka del man bis kile sereal, a e bakrenchar ka del so sai dela, ta pe suako bis kile sereal ka del trin litrura ta dopas zeitino.
8
Ta kana o gazda e foroko ka del andre, ka cherel le katar o drom katar o udar e udareko, ta isto katar gua drom la likel.
9
A kana o foro e phuviako ka del andre angla o Del pe slave, o lleno kai dia katar o udar katar o norte, ka likel katar o udar katar o sur, ta ko ka del katar o udar katar o sur, ka likel katar o udar katar o norte, ni ka irilpe katar o udar katar dia, gua lleno ka likel katar o udar kai si angla le.
10
Ta o gazda e foroko, ka llal po maskaral lendar kana o foro ka del andre, ta ka likel lenchar kana o foro ka likel.
11
Ta pe suako slava, e ezgode dine ka denpe gia: Pe suako telcho ta pe suako bakro singenchar, ka den man bis kile sereal, a e bakrenchar prema so sai den, pe suako bis kile sereal ka den man trin litrura ta dopas zeitino.
12
A kana o gazda e foroko ka cherel kurbano o ka del vareso dino pala e pas kai vou petar mangla te cherel, gia sar cherel le ando sabado, ka likel mapalal, ta ka phanden o udar kana vou ka likel.
13
Ta suako llive ka de iek kurbano e Devleke iek kurbano phabardo iekhe bakre kai si leke iek burs ta te na avel leke niso bilacho, suako llive ka mundare iekhe.
14
Ta e bakrea kai ka phabare ka katar so si dino efta kile sereal ta iek litro zeitino, te sai amilpe ande arina parrni, Gala ezgode dine si iek zakono ostade, ta si te cherdon suako llive.
15
Goleke ka den o bakro, e ezgode dine ta o zeitino, ta ka phabaren o kurbano suako thiarin.
16
Gia phenel o Del o Gazda: Kana o lleno kai gazdaril ka del iek kotor katar pi phuv pe churen, goia phuv ka avel lengi, ka avel lengi soke achili lenge.
17
A te dela iek kotor katar pi phuv pe slugen, goia phuv ka achel leke lligo ni ka mukliaren le. Ande gua burs o sliga ka iril e phuv kai o lleni kai gazdaril, soke gua si te achel leke chaurrenge.
18
O lleno kai gazdaril nasti ka lel peke e phuv kai si e foroki, ta nasti ka mukel la pe chaurrenge. Te mangela te del len vareso, morabi te del len so si leko. Goleke nasti ka len katar e llene katar mo foro lengi phuv.
19
Mapalal inllarda man kote kai delpe andre kai si o udar, kai e sobe kai den karing o norte ta kai sea chinade e poponenge, ta dikhlem iek than kai saia chak andre pe rig kai perel o kham.
20
Ta phenda menge: Kate si kai e popura ka chiraven so si dino pala o bilachipe ta o prostipe, kote ka chiraven so si dino, te na ikanen la ande sobe kai i avri, ta gia ka santifikin e foro.
21
Mapalal inllarda man kai e soba kai si avri, ta pirada man pe star riga katar e soba, ta pe suako rig saia iek bar.
22
Pe star riga katar e soba sea bara phangle kai saia len bis pole ando lungipe, ta star pole ando bulipe.
23
Ta e star saia len iek zido truial, pe thana kai si mai tele sea iaga.
24
Ondaka phenda mange: Gala si e iaga kai e llene kai radin ando cher e Devleko ka chiraven pe lende so si dino katar o foro.
Romani Ursari Bible 2018
Biblia ande chib Romani Sociedad Bíblica Chilena, 2018
:
Save Notes