×

أَتَّوْرَتْ دَ أَنَّبَاوَا 2020

Ezekiyel 48

1
غَا سُونَيٜىٰنْ ظُرِيُواْيِنْ إِسْرَٰٓءِيلَ دَ رَبُوانْ غَادُوانْسُ؞ أَغٜىٰڢٜىٰنْ أَرٜىٰوَ دَنْ ذَيْسَامِ رَبُواْ غُدَا؞ إِيَاكَرْ رَبُوانْسَ ذَاتَ مِيڧٜىٰ دَغَ مَشِغِنْ يَنْكِنْ هَمَتْ أَ حَنْيَرْ غَرِنْ هٜىٰتْلُوانْ حَرْ ذُوَا هَظَرْ عٜىٰنَنْ، وَدَّ تَكٜىٰ عَ إِيَاكَرْ يَنْكِنْ دِمَشْڧُ تَرٜىٰدَ إِيَاكَرْ يَنْكِنْ هَمَتْ، وَدَّ تَكٜىٰ وَجٜىٰنْ أَرٜىٰوَ؞ ذُرِيَرْ دَنْ تَنَدَ رَبُواْ طَيَ؞ إِيَاكَرْ ذَاتَ مِيڧٜىٰ دَغَ غَبَسْ ذُوَا يَمَّ؞
2
بِيٜىٰ دَ سَاشٜىٰنْ ذُرِيَرْ دَنْ، ذُرِيَرْ أَشٜىٰرْ تَنَدَ رَبُواْ طَيَ؞ إِيَاكَرْ ذَاتَ مِيڧٜىٰ دَغَ غَبَسْ ذُوَا يَمَّ؞
3
بِيٜىٰ دَ سَاشٜىٰنْ ذُرِيَرْ أَشٜىٰرْ، ذُرِيَرْ نَڢْتَلِ تَنَدَ رَبُواْ طَيَ؞ إِيَاكَرْ ذَاتَ مِيڧٜىٰ دَغَ غَبَسْ ذُوَا يَمَّ؞
4
بِيٜىٰ دَ سَاشٜىٰنْ ذُرِيَرْ نَڢْتَلِ، ذُرِيَرْ مَنَسّٜىٰ تَنَدَ رَبُواْ طَيَ؞ إِيَاكَرْ ذَاتَ مِيڧٜىٰ دَغَ غَبَسْ ذُوَا يَمَّ؞
5
بِيٜىٰ دَ سَاشٜىٰنْ ذُرِيَرْ مَنَسّٜىٰ، ذُرِيَرْ إِڢْرَيِمْ تَنَدَ رَبُواْ طَيَ؞ إِيَاكَرْ ذَاتَ مِيڧٜىٰ دَغَ غَبَسْ ذُوَا يَمَّ؞
6
بِيٜىٰ دَ سَاشٜىٰنْ ذُرِيَرْ إِڢْرَيِمْ، ذُرِيَرْ رَعُبَيْنُ تَنَدَ رَبُواْ طَيَ؞ إِيَاكَرْ ذَاتَ مِيڧٜىٰ دَغَ غَبَسْ ذُوَا يَمَّ؞
7
بِيٜىٰ دَ سَاشٜىٰنْ ذُرِيَرْ رَعُبَيْنُ، ذُرِيَرْ يَهُودَ تَنَدَ رَبُواْ طَيَ؞ إِيَاكَرْ ذَاتَ مِيڧٜىٰ دَغَ غَبَسْ ذُوَا يَمَّ؞
8
«بِيٜىٰ دَ سَاشٜىٰنْ ذُرِيَرْ يَهُودَ، إِيَاكَرْ ذَاتَ مِيڧٜىٰ دَغَ غَبَسْ ذُوَا يَمَّ؞ ذَاعَكٜىٰٻٜىٰ سَاشٜىٰنَّنْ يَذَمَ ݣَوْتَا تَمُسَمَّنْ؞ ڢَاطِنْسَ ذَيْ كَمُ دُبُو عَشِرِنْ دَ بِيَرْ، ڟَوُانْسَ كُمَ دَيْدَيْ دَ ڟَوُانْ رَبُوانْ غَادُواْ نَسَاشٜىٰنْ ذُرِيَ طَيَ وَنْدَ يَمِيڧٜىٰ دَغَ غَبَسْ ذُوَا يَمَّ؞ وُرِے مَيْ ڟَرْكِے كُمَ ذَيْ كَسَنْثٜىٰ أَڟَكِيَرْ سَاشٜىٰنْ؞
9
«سَشٜىٰنْ دَ ذَاعَ كٜىٰٻٜىٰ وَ يَهْوٜىٰهْ ، ڟَوُانْسَ ذَيْ ذَمَ كَمُ دُبُو عَشِرِنْ دَ بِيَرْ، ڢَاطِنْسَ كُمَ كَمُ دُبُو غُواْمَ؞
10
وَنَّنْ سَاشٜىٰنْ دَ عَكَ كٜىٰٻٜىٰ دَ ڟَرْكِے ذَيْ ذَمَ رَبُوانْ ڢِرِسْتُواْثِے؞ ڟَوُانْسَ أَغٜىٰڢٜىٰنْ أَرٜىٰوَ ذَيْ ذَمَ كَمُ دُبُو عَشِرِنْ دَ بِيَرْ، ڢَاطِنْسَ أَغٜىٰڢٜىٰنْ يَمَّ ذَيْ ذَمَ كَمُ دُبُو غُواْمَ، أَغٜىٰڢٜىٰنْ غَبَسْ كُمَ ڢَاطِنْسَ ذَيْ ذَمَ كَمُ دُبُو غُواْمَ، أَغٜىٰڢٜىٰنْ كُدُ كُمَ ڟَوُانْسَ ذَيْ ذَمَ كَمُ دُبُو عَشِرِنْ دَ بِيَرْ؞ وُرِے مَيْ ڟَرْكِے نَ يَهْوٜىٰهْ ذَيْ كَسَنْثٜىٰ أَڟَكِيَرْ سَاشٜىٰنْ؞
11
وَنَّنْ ذَيْ ذَمَ نَڢِرِسْتُواْثِنْ ذُرِيَرْ ظَدُواكْ، ذُرِيَرْ دَ عَكَ كٜىٰٻٜىٰ غَمَا سُنْيِ أَمِنْثِ ثِكِنْ حِدِمَتَ، بَسُ كَوْثٜىٰ كَمَرْ يَدَّ لَوِيَاوَا سُكَيِ لُواْكَثِنْ دَ جَمَعَرْ إِسْرَٰٓءِيلَ سُكَ كَوْثٜىٰبَ؞
12
ذَيْ ذَمَ رَبُوانْسُ نَمُسَمَّنْ دَغَ سَاشٜىٰنْ دَ عَكَ كٜىٰٻٜىٰ دَ ڟَرْكِے، وَتُواْ سَاشٜىٰ مَڢِے ڟَرْكِے بِيٜىٰ دَ سَاشٜىٰنْ رَبُوانْ لَوِيَاوَا؞
13
بِيٜىٰدَ سَاشٜىٰنْ ڢِرِسْتُواْثِے، لَوِيَاوَا ذَاسُ سَامِ سَاشٜىٰنْ رَبُوانْ غَادُوانْسُ؞ ڟَوُانْسَ ذَيْ ذَمَ كَمُ دُبُو عَشِرِنْ دَ بِيَرْ، ڢَاطِنْسَ كُمَ كَمُ دُبُو غُواْمَ نٜىٰ؞ ڟَوُانْسَ دُكَ ذَيْ ذَمَ كَمُ دُبُو عَشِرِنْ دَ بِيَرْ، ڢَاطِنْسَ كُمَ كَمُ دُبُو غُواْمَ؞
14
وَنَّنْ سَاشٜىٰ شِينٜىٰ وُرِے مَڢِے ݣَوْ نَڧَسَرْ، بَذَاسُ سَيَرْ كُواْ سُثَنْجَ كُواْ سُبَا وَنِ بَ، سَبُواْدَ سَاشٜىٰنَّنْ أَنْكٜىٰٻٜىٰ شِ دَ ڟَرْكِے نٜىٰ غَ يَهْوٜىٰهْ ؞
15
«ضَغُواْوَرْ سَاشٜىٰنْ وَنْدَ ڢَاطِنْسَ يَكَيْ كَمُ دُبُو بِيَرْ، ڟَوُانْسَ كُمَ يَكَيْ كَمُ دُبُو عَشِرِنْ دَ بِيَرْ، ذَيْ ذَمَ دُواْمِنْ أَمْڢَانِنْ مُتَنٜىٰ، عِنْدَ ذَاعَيِ غِدَاجٜىٰ دَ كُمَ كِيوُاْ؞ بِرْنِنْ دَ كَنْسَ ذَيْ كَسَنْثٜىٰ أَڟَكِيَرْ سَاشٜىٰنْ؞
16
غَا يَدَّ غِرْمَنْ بِرْنِنْ ذَيْ كَسَنْثٜىٰ؞ أَغٜىٰڢٜىٰنْ أَرٜىٰوَ ذَيْ ذَمَ كَمُ دُبُو حُطُ دَ طَرِے بِيَرْ، أَغٜىٰڢٜىٰنْ كُدُ، كَمُ دُبُو حُطُ دَ طَرِے بِيَرْ، أَغٜىٰڢٜىٰنْ غَبَسْ، كَمُ دُبُو حُطُ دَ طَرِے بِيَرْ، أَغٜىٰڢٜىٰنْ يَمَّ كُمَ دُبُو حُطُ دَ طَرِے بِيَرْ؞
17
غَا يَدَّ ڢِيلِنْ كِيوُاْ نَبِرْنِنْ ذَيْ كَسَنْثٜىٰ؞ أَغٜىٰڢٜىٰنْ أَرٜىٰوَ كَمُ طَرِے بِيُ دَ حَمْسِنْ، أَغٜىٰڢٜىٰنْ كُدُ كَمُ طَرِے بِيُ دَ حَمْسِنْ، أَغٜىٰڢٜىٰنْ غَبَسْ كَمُ طَرِے بِيُ دَ حَمْسِنْ، أَغٜىٰڢٜىٰنْ يَمَّ كُمَ كَمُ طَرِے بِيُ دَ حَمْسِنْ؞
18
ضَغُواْوَرْ سَاشٜىٰنْ بِيٜىٰ دَ سَاشٜىٰنْ دَ عَكَ كٜىٰٻٜىٰ دَ ڟَرْكِے، ذَاتَ ذَمَ كَمُ دُبُو غُواْمَ أَغٜىٰڢٜىٰنْ غَبَسْ دَ كَمُ دُوبَ غُواْمَ أَغٜىٰڢٜىٰنْ يَمَّ؞ ڟَوُانْتَ ذَيْبِے ڟَوُانْ سَاشٜىٰنَّنْ دَ عَكَ كٜىٰٻٜىٰ؞ أَمْڢَانِنْ دَ ذَاعَ سَامُ دَغَ سَاشٜىٰنَّنْ، ذَيْ ذَمَ نَمَعَيْكَتَنْ بِرْنِنْ؞
19
مَعَيْكَتَنْ بِرْنِنْ ذَاسُ ڢِتُواْ دَغَ دُكَنْ ظُرِيُواْيِنْ إِسْرَٰٓءِيلَ سُنُواْمٜىٰ سَاشٜىٰنَّنْ؞
20
دُكَنْ غِرْمَنْ سَاشٜىٰنَّنْ دَ ذَاعَ كٜىٰٻٜىٰ ذَيْ ذَمَ كَمُ دُبُو عَشِرِنْ دَ بِيَرْ عَكُواْوَنٜىٰ غٜىٰڢٜىٰنْسَ حُطُ؞ وَنَّنْ سَاشٜىٰ ذَاكُ كٜىٰٻٜىٰشِ يَذَمَ سَاشٜىٰ نَمُسَمَّنْ تَرٜىٰدَ سَاشٜىٰ نَبِرْنِنْ؞
21
«دُكَنْ ضَغُواْوَرْ سَاشٜىٰ بِيٜىٰ دَ كُواْوَنٜىٰ غٜىٰڢٜىٰ نَسَاشٜىٰنْ دَ عَكَ كٜىٰٻٜىٰ دَ ڟَرْكِے تَرٜىٰدَ سَاشٜىٰ نَبِرْنِنْ ذَيْ ذَمَ نَسَرْكِے؞ ذَيْ مِيڧٜىٰ غَبَسْ دَغَ سَاشٜىٰ مَيْ كَمُ دُبُو عَشِرِنْ دَ بِيَرْ نَسَاشٜىٰنْ وُرِے مَيْ ڟَرْكِے ذُوَا إِيَاكَرْ ڧَسَرْ أَغٜىٰڢٜىٰنْ غَبَسْ؞ ذَيْ كُمَ مِيڧٜىٰ يَمَّ دَغَ سَاشٜىٰ مَيْ كَمُ دُبُو عَشِرِنْ دَ بِيَرْ نَسَاشٜىٰنْ وُرِے مَيْ ڟَرْكِے ذُوَا إِيَاكَرْ ڧَسَرْ أَغٜىٰڢٜىٰنْ يَمَّ؞ دُكَنْ وُرَارٜىٰنَّنْ بِيُ وَطَنْدَ سُكَبِے تَغٜىٰڢٜىٰنْ سَاشٜىٰنْ ظُرِيُواْيِ ذَاسُ ذَمَ نَسَرْكِے؞ سَشٜىٰنْ دَ عَكَ كٜىٰٻٜىٰ دَ ڟَرْكِے تَرٜىٰدَ هَيْكَلِنْ ذَاسُ كَسَنْثٜىٰ أَڟَكِيَرْسُ؞
22
سَشٜىٰنْ ذُرِيَرْ لَوِيَاوَا دَ سَاشٜىٰنْ بِرْنِنْ ذَاسُ كَسَنْثٜىٰ أَڟَكِيَرْ سَاشٜىٰنْ دَيَكٜىٰ نَسَرْكِے؞ سَشٜىٰنْ سَرْكِے ذَيْ كَسَنْثٜىٰ ڟَكَانِنْ سَاشٜىٰنْ ذُرِيَرْ يَهُودَ دَ سَاشٜىٰنْ ذُرِيَرْ بِلِيَامِنُ؞
23
«غَا يَدَّ ذَاعَ رَبَوَ سَوْرَنْ ظُرِيُواْيِنْ نَاسُ رَبُوانْ؞ ذُرِيَرْ بِلِيَامِنُ تَنَدَ رَبُواْ طَيَ؞ إِيَاكَرْتَ ذَاتَ مِيڧٜىٰ دَغَ إِيَاكَرْ ڧَسَا تَغَبَسْ ذُوَا إِيَاكَرْ ڧَسَا تَيَمَّ؞
24
بِيٜىٰ دَ سَاشٜىٰنْ ذُرِيَرْ بِلِيَامِنُ، ذُرِيَرْ سِمٜىٰيُوانْ تَنَدَ رَبُواْ طَيَ؞ إِيَاكَرْ ذَاتَ مِيڧٜىٰ دَغَ غَبَسْ ذُوَا يَمَّ؞
25
بِيٜىٰ دَ سَاشٜىٰنْ ذُرِيَرْ سِمٜىٰيُوانْ، ذُرِيَرْ إِسَّكَرْ تَنَدَ رَبُواْ طَيَ؞ إِيَاكَرْ ذَاتَ مِيڧٜىٰ دَغَ غَبَسْ ذُوَا يَمَّ؞
26
بِيٜىٰ دَ سَاشٜىٰنْ ذُرِيَرْ إِسَّكَرْ، ذُرِيَرْ ظٜىٰبُلُنْ تَنَدَ رَبُواْ طَيَ؞ إِيَاكَرْ ذَاتَ مِيڧٜىٰ دَغَ غَبَسْ ذُوَا يَمَّ؞
27
بِيٜىٰ دَ سَاشٜىٰنْ ذُرِيَرْ ظٜىٰبُلُنْ، ذُرِيَرْ غَدْ تَنَدَ رَبُواْ طَيَ؞ إِيَاكَرْ ذَاتَ مِيڧٜىٰ دَغَ غَبَسْ ذُوَا يَمَّ؞
28
إِيَاكَرْ ذُرِيَرْ غَدْ عِتَثٜىٰ إِيَاكَرْ كُدُ تَڧَسَرْ؞ إِيَاكَرْ ذَاتَ مِيڧٜىٰ دَغَ تَمَرْ عَتَكُدُ ذُوَا ضُوً مٜىٰرِبَتْ كَدٜىٰشْ دَغَ ثَنْ كُمَ إِيَاكَرْ ذَاتَ مِيڧٜىٰ حَرْ ذُوَا رَاڢِنْ مَصَرْ تَمِيڧٜىٰ ذُوَا تٜىٰكُنْ مٜىٰدِتٜىٰرٜىٰنِيَ؞
29
«وَنَّنْ عِتَثٜىٰ ڧَسَرْدَ ذَاكُ رَبَ تَذَمَ غَادُواْ غَ ظُرِيُواْيِنْ إِسْرَٰٓءِيلَ؞ وَطَنَّنْ سُونٜىٰ رَبُوانْ غَادُوانْسُ؞ نِے عُبَنْ‌غِجِ يَهْوٜىٰهْ نَا ڢَطَا؞»
30
غَا ڧُواْڢُواْڢِ نَشِغَ دَ ڢِتَ نَبِرْنِنْ؞ ڟَوُانْ غٜىٰڢٜىٰنْ أَرٜىٰوَ كَمُ دُبُو حُطُ دَ طَرِے بِيَرْ نٜىٰ؞
31
ذَاعَسَا ڧُواْڢُواْڢِ عُكُ أَغٜىٰڢٜىٰنْ أَرٜىٰوَ؞ ذَاعَسَا مُسُ سُونَيٜىٰنْ ظُرِيُواْيِنْ إِسْرَٰٓءِيلَ؞ ڧُواْڢَ طَيَ دَ سُونَنْ ذُرِيَرْ رَعُبَيْنُ، طَيَ دَ سُونَنْ ذُرِيَرْ يَهُودَ، طَيَ كُمَ دَ سُونَنْ ذُرِيَرْ لَوِ؞
32
«ڟَوُانْ غٜىٰڢٜىٰنْ غَبَسْ كَمُ دُبُو حُطُ دَ طَرِے بِيَرْ نٜىٰ؞ ذَاعَسَا ڧُواْڢُواْڢِ عُكُ؞ ذَاعَسَا مُسُ سُونَيٜىٰ كَمَرْ حَكَ؞ ڧُواْڢَ طَيَ دَ سُونَنْ ذُرِيَرْ يُوسُڢَ، طَيَ دَ سُونَنْ ذُرِيَرْ بِلِيَامِنُ، طَيَ كُمَ دَ سُونَنْ ذُرِيَرْ دَنْ؞
33
«ڟَوُانْ غٜىٰڢٜىٰنْ كُدُ كَمُ دُبُو حُطُ دَ طَرِے بِيَرْ نٜىٰ؞ ذَاعَسَا ڧُواْڢُواْڢِ عُكُ؞ ذَاعَسَا مُسُ سُونَيٜىٰ كَمَرْ حَكَ؞ ڧُواْڢَ طَيَ دَ سُونَنْ ذُرِيَرْ سِمٜىٰيُوانْ، طَيَ دَ سُونَنْ ذُرِيَرْ إِسَّكَرْ، طَيَ كُمَ دَ سُونَنْ ذُرِيَرْ ظٜىٰبُلُنْ؞
34
«ڟَوُانْ غٜىٰڢٜىٰنْ يَمَّ كَمُ دُبُو حُطُ دَ طَرِے بِيَرْ نٜىٰ؞ ذَاعَسَا ڧُواْڢُواْڢِ عُكُ؞ ذَاعَسَا مُسُ سُونَيٜىٰ كَمَرْ حَكَ؞ ڧُواْڢَ طَيَ دَ سُونَنْ ذُرِيَرْ غَدْ، طَيَ دَ سُونَنْ ذُرِيَرْ أَشٜىٰرْ، طَيَ كُمَ دَ سُونَنْ ذُرِيَرْ نَڢْتَلِ؞
35
ڟَوُانْ كٜىٰوَيٜىٰ دُكَنْ بِرْنِنْ كَمُ دُبُو غُواْمَشَا تَݣُوسْ نٜىٰ؞ دَغَ رَانَرْ نَنْ، سُونَنْ بِرْنِنْ شِينٜىٰ، ‹ يَهْوٜىٰهْ يَنَ أَ نَنْ!› »
Hausa Bible Arabic 2020
Hausa Common Language Ajami Bible The Bible Society of Nigeria, 2020
:
Adana Bayanan kula