|
| 1 |
|
| “O ru ogẹn hụ, Maịkẹlụ onyẹ-isi ndị mmọn-ozi, onyẹ hụn e che ndị nke ụnụ nche, k'a pụha. Ogẹn nsọngbu k'a rị, ụdị hụn rịtulẹni kete anị ichẹn-ichẹn e bidọnlẹ. Kanị, o ru ogẹn hụ, wẹ k'a gbapụha ndị nke ụnụ, wẹ ile ẹfan wẹ rị imẹ ẹkụkwọ hụ. |
|
| 2 |
|
| Ndị ahụn ile nwụnhụnnị hụn rị imẹ alị jẹnkọ d'e tẹnhin: ndị k'e nwọn ndụn itẹbitẹ lẹ ndị ọzọ k'e nwọn ifẹnrẹn itẹbitẹ. |
|
| 3 |
|
| Ndị hụn nwọn uche k'a gha egbuke kẹ igwere, ndị hụn k'e mẹ ịhịan hutọ mẹmẹ ezi-omumẹ k'e gbuke kẹ kokisẹ jẹnrin ejẹn. |
|
| 4 |
|
| “Kanị, ịyụ nwẹn wụ Daniẹlụ, kpumẹgụ oku ndị rị imẹ ẹkụkwọ hụ d'e ru ogẹn njẹndemẹ. Ndị bu ọda k'a gha e jẹnhunmẹ kẹni wẹ marịnwaye ihiẹn.” |
|
| 5 |
|
| Ya kẹ mmẹ wụ Daniẹlụ nọ lee ẹnya, e lee madụ ẹbụọ ọzọ turu mkpẹnrẹn ote-mirin ahụn: ohu wuzo mkpẹnrẹnni, ohu wuzo mkpẹnrẹnni. |
|
| 6 |
|
| Ohu imẹ wẹ nọ sị okẹnnyẹ ahụn yi ẹkwa linẹni, hụn rị imẹ-elu ebẹhụ iyi ahụn rị, “Ele mgbe kẹ ihiẹn-egun ndịnị k'e mẹ?” |
|
| 7 |
|
| Ya okẹnnyẹ ahụn yi ẹkwa linẹni hụn rị elu mirin-iyi ahụn nọ kịshi ẹka-nni lẹ ẹka-ekpẹn elu zinmẹ elu-igwee, m nọ nụ k'o kun Onyẹ Ahụn Rị Ndụn Jẹnrin-ejẹn, sị, “O k'a rị ahụa ohu cheni ahụa ẹbụọ lẹ mkpikpi. Hụn wẹ gihụ mẹrigụ ndị-nsọ, ihiẹn ndịnị ile k'e mẹzuchanrịn.” |
|
| 8 |
|
| A nụghọ m ihiẹn o ku, bụ aghọtanị m. Ya m nọ sị, “Diọkpa, kị ihiẹn ndịnị ile k'e buhẹ?” |
|
| 9 |
|
| Ọ nọ sị m, “E jẹn nke i, Daniẹlụ, ni ihiẹn wẹ kpumẹ ekpumẹ kẹ oku ndị ahụn k'a wụsọnmẹ d'e ru ogẹn ikpanzụụn. |
|
| 10 |
|
| Ndị bu ọda jẹnkọ d'a chanchan enwẹn wẹ, a wụrụ wẹ ndị nwọnlẹni nkọrịanị, a chanchan wẹ wẹ kẹ w'a chanchan goru, kanị ndị eje-ịhịan k'e mẹsọnmẹ eje-ihiẹn. Onwọnni onyẹ e mẹ eje-ihiẹn k'a ghọtanị, kanị ndị marịn ihiẹn k'a ghọta. |
|
| 11 |
|
| “Gha ogẹn w'e gi kagbu ẹjan w'a chụnnị Osolobuẹ ụhụọhịn-ụhụọhịn d'e ru ogẹn w'e gi tumẹ ihiẹn ahụn e mẹrụnị e buhẹ ntikpọ k'a wụ akpọhịn iri kwasị ọgụn-ẹnọ kwasị nnụ-ẹtọ (1,290). |
|
| 12 |
|
| Ngọzi wụ nke onyẹ hụn k'e cheri d'e ru nị akpọhịn mmisẹn kwasị ọgụn-isin kwasị nnụ-ẹtọ (1,335) e zugụ. |
|
| 13 |
|
| “Ịyụ nwẹn, jẹnmẹgụ n'o rugụ njẹndemẹ ogẹn. I k'e jẹn d'e zu ikẹn, ogẹn hụ zugụ, i k'e lihi d'e weri ihiẹn runi i.” |
|
|
|
|