“Kɛ jɛn gua̱a̱th ɛ mɔ bi jääk Kuɔth ni Mi-ka-el in la gääŋ nɛɛniku in di̱i̱t rɔ jiɛc. Kä bɛ tekɛ gua̱a̱th pärä mi /ken met tuɔɔk ni mëë ku döör rɔ̱ tok. Duundɛ ɣöö ɛn guäth ɛmɔ ba nɛɛku kän, kɛn nɛy diaal tin ca ciöötkiɛn jek a ca gɔ̱r rɛy buɔk.
Duundɛ ɣöö, ji̱n Da-ni-yel ku rieet ti̱ti̱ lɛ käp kɛ rɛydu, kä a bok te gääkä amäni gua̱a̱th guutdä. Kä bi nɛy ti ŋuan riŋ nhiam kä riŋkɛ jɔk, kä bi jiäk rep ni rɔ̱.”
Kä cu ram kɛl ruac kɛ wut in ci rɔ rony kɛ bi̱i̱ in ca mɛn agɔaa min te cuŋä wi̱i̱ pi̱i̱ni wëë i̱, “Kä bɛ ku mäni nɛy ba kɛn ti ga̱ykɛ naath ti jak kä thuɔ̱ɔ̱k?”
Kä cu ram min ci rɔ rony kɛ bi̱i̱ in ca mɛn ɛgɔaa min te cuŋä wi̱i̱ pi̱i̱ni tet cuëëcdɛ kɛnɛ tët caamdɛ tar nhial. Kä cua̱ jɛ liŋ yaacɛ rɔ kɛ ciöt Kuɔth in do̱raar ɛn ɣöö, bi mɛmɛ tuɔɔk kɛ run da̱ŋ diɔ̱k kɛ nuth, mi wä buɔ̱m nɛɛni Kuɔth wä thuɔ̱k, bikɛn ti diaal ti̱ti̱ cu thuɔ̱k.
Kä ba nɛy ti ŋuan lɛy, kä bakɛ lak a puɔth, duundɛ ɣöö, bi ji̱ nyuɔɔni ŋot nikɛ lätni nyuɔɔnikiɛn. Kä thilɛ gua̱n nyuɔɔni mi bi luɔt kä mɛmɛ ŋa̱c ɛ ni nɛy tin pɛl ba luɔt kä mɛmɛ ŋa̱c ɔ.