“Ti gu rago re Mikaere agúari a, nga gu bakere bazogo naruga pa gamo aboro. Ono rago fuda nikadu, ngbatunga ha adu nga mbata wa gu te re, tona wa rikaaboro aenge ki da ti gu rago re. Ono ti gu rago re i abátasa gamo aboro, nga agu yo i ka bi rimoyo ni ba sa sa ni kekehe rogo kitabu.
Gu kumba naukadi roko ni tutu giri nzibi, nga gu ko nadu ku ri aime wiridi atumba kumbabeko na garebeko a ku ngbangbaturũ yo; mi ki gi pa ko ko nizunga he ti rimo gu ko nye anye kindi, ya si adú tipa rago sa, na rago wa bara ue, na bebere rago a. Ho i ka nyasa kua gu tandu ni nga ga kparakpara ziazia aboro, agi apai dunduko re ki du ni mangimangi he.
Dungu aboro akpúruka tiyo, ki girisi tiyo, ki mbakadi tiyo; ono gbegberẽ yo amánga pai ni gbegberẽ he. A nga gu ni sa dagba gbegberẽ yo yo nikaruga tini na pai te; ono agu yo du ni airatatamana inikaruga tiyo na ni.