E sị m'a, “Bẹlụtẹshaza onyẹ-isi ndị a hụn ụzọ, a marịnghọ m nị mmọn rị nsọ rị imẹ i, nị onwọnni ihiẹn-omimi a fụ ị ọrụn ọkọwa. Lee nrọ m rọ; gwa m ihiẹn ọ wụ.
Ẹhụhụọ a a shịa; mkpụrụ jun ẹ; elu ẹ kẹ ihiẹn ịhịan ile e ri rị; okpuru ẹ kẹ anụmanụ ile bi; agalaba a kẹ nnụnụ kụyesọnmẹ ẹkụ wẹ; ịya kẹ ihiẹn ile gha e nwẹhẹn ihiẹn-oriri.
“ ‘Ndị-ozi hị ihiẹnni; ndị-nsọ sị ihiẹnni mẹ, kẹni ịhịan ile rị ụwa marịn nị alị-eze ile ịhịan pumẹ rịchanrịn okpuru Onyẹ hụ Kachanrịnnị, nị o we wẹ e ye onyẹ ọwụlẹ ọ chọ, e wedẹ wẹ e ye onyẹ kachanrịn ntịn a kị.’
Ya ndụn nọ gụchanrịn Daniẹlụ hụn w'a kpọzị Bẹlụtẹshaza ẹkẹrẹ ogẹn, nkọwa hụn ban a obi tụ a egun. Ya kẹ eze nọ sị, “Bẹlụtẹshaza, anịlẹ nrọ hụ mọbụ ihiẹn ọ wụ tụ ị egun.” Bẹlụtẹshaza nọ sị, “Di-nwọnni-m, k'ọ rị m nrọnị a nọ isi ndị iṅẹnrẹn i bụn — ẹlẹ ịyụ, nkọwa a a nọ isi ndị rị e we iwe i bụn — ẹlẹ isi i!
wẹ k'a chụpụ ị ebe ịhịan rị d'e sọn anụmanụ biri; i jẹnkọ d'e ri irurue kẹ efin, igirigi a gha elu-igwere ziẹnkpu i. Ahụa ẹsa k'i k'a rị ọnọdị hụ, d'e ru nị o we i ẹnya nị alị-eze ile ịhịan pumẹ rịchanrịn okpuru Onyẹ Hụ Kachanrịnnị, lẹni o we wẹ e ye onyẹ ọ chọ.
Wẹ sikọ d'a chụpụ ị ebe ịhịan bi, y'e sọn anụmanụ biri; i jẹnkọ d'e ri irurue kẹ efin. Ahụa ẹsa k'i k'a rị ọnọdị hụ d'e ru ni y'e ku ẹ nị alị-eze ile ịhịan pumẹ rịchanrịn ẹka Onyẹ Hụ kachanrịnnị lẹni o we ẹ e ye onyẹ ọ chọ.”
Ndị ile bi elu-ụwa enwọn kẹ wẹ han ebe ọ rị. Ihiẹn sụọn'a k'o mẹ — kẹ ebe ikẹn ndị rị elu-igwee rị kẹ ebe ndị rị elu-ụwa rị. Onwọnni onyẹ a sa ẹka e gbọndọn ẹ mọbụ sị a: “K'i mẹni ihiẹnni?”
Ogẹn hụ ẹnya gi dọn m, wẹ nọzị yekin m ikpẹn m lẹ ọghọ m, ọghọ ya lẹ alị-eze m wị. Ịhaịmẹ m lẹ ndị-isi nọ chọha m, wekin m ukpo-eze m, m nọ karịdẹ kẹ m rị mbụ.
Mmẹ wụ Nebukadineza rị nwan a ja Eze elu-igwee mma, e bushi ẹ elu, e ye ẹ ọghọ makẹni ihiẹn ile o mẹ rị mma; ụzọ a ile zinrin ezinrin. Ọ sa ẹka e wetu ndị hụn e bọnmẹni alị.