Eze nọ yi wẹ kpọha ndị a gwọ ọgụn lẹ ndị ile a hụn ụzọ ozigbo, wẹ lẹ ndị a gba-ẹfa. Ọ nọ sị ndị ahụn ile a hụn ụzọ imẹ Babilọnụ, “Onyẹ ọwụlẹ hụn k'a sa ẹka gụn ihiẹnni wẹ de, kọwanị m ihiẹn ọ wụ, wẹ k'e yimẹ ẹ okẹn ẹwuru pọpụ, yimẹ ẹ ihiẹn-olu goru, ọ wụrụ ube-ẹtọ imẹ alị-ezeni.”
Ogẹn nnẹ eze gi nụ ụzụn eze lẹ ndị-isi rị a zụn, ọ nọ banhan imẹ ebẹhụ wẹ nọ e ri oriri hụ. Ya ọ nọ sị, “Eze-Agụ, isi i chei! Atụlẹ egun! Kwọndọn obi i!
O nwọnghọ okẹnnyẹ rị alị-eze i hụn nwọn mmọn rị nsọ imẹ ẹ. Ogẹn nẹdi i gi a kị, wẹ hụn a n'o nwọn nghọta, nwọn uche, nwọn amamihiẹn — nọkẹ mmọn. Eze wụ Nebukadineza hụn wụ nẹdi i, nẹdi i ebe oche-eze rị — tumẹ ẹ onyẹ-isi ndị-ihẹnrẹn lẹ ndị a gwọ ọgụn lẹ ndị ile a hụn ụzọ lẹ ndị a gba ẹfa; ẹghẹẹ nẹdi i tumẹ ẹ.
Kanị, a nụgụọ m nwan nị ya s'ẹka a kọwa ihiẹn lẹni ya s'ẹka a marịn ihiẹn a fụ ọrụn ọmarịn. Omẹni i y'a saghọ ẹka gụn ihiẹnni kọwanị m ihiẹn ọ wụ, wẹ k'e yimẹ i okẹn ẹwuru pọpụ, yimẹ i ihiẹn olu goru, bu i che ọbẹ ẹtọ imẹ ndị a kị alị-ezeni.”
Ufiri okẹn ọnọdị hụ o ye ẹ haịn ndị ile rị ichẹn-ichẹn lẹ ndị alị ile lẹ asụsụ ile gi a man'a piripiri ogẹn nke ẹ, a tụ egun ẹ. Ndị ọ chọ n'o gbu, o gbu; ndị ọ chọ n'o dọnmẹ ndụn, o dọnmẹ ndụn; ndị ọ chọ n'o bushi elu, o bushi; ndị ọ chọ n'o wetu alị, o wetu.
mẹ ẹ pụ ebe ịhịan rị, we uche anụmanụ ye ẹ; o sọn jaki-ọfịa biri, ri irurue kẹ efin; igirigi igwere e ziẹnkpu ẹ, d'e ru ebe ọ nọ we ẹ ẹnya nị alị-eze ile ịhịan pumẹ rị Chuku Hụn Kachanrịnnị ẹka, lẹni Chuku e tumẹ onyẹ ọwụlẹ ọ chọ n'ọ kị wẹ.
Ị nọ bushimẹdẹ enwẹn i elu ebe Onyẹ nwọn elu-igwee rị, sị wẹ kịhanị ị mkpu ndị wẹ weri imẹ Ụlọ-nsọ a, ịyụ lẹ ndị-isi lẹ inyẹnmẹ i lẹ ndị mgba ị nọ gi wẹ ra manya; ị nọ jama mmọn ichẹn-ichẹn mma — kẹ nke goru kẹ nke siliva kẹ nke igwe-bronzu kẹ nke igwe-mmaka kẹ nke osisi kẹ nke ọmụma — mmọn ndị hụn ghalẹni e legha ụzọ mọbụ a nụ ihiẹn mọbụ a ghọta ihiẹn. Bụ y'e yeni Chuku ọghọ — Chuku, hụn gi ndụn ị lẹ ọpụpụ ị lẹ ọbanhan i.