|
| 1 |
|
| إِنْجِ يَهْوٜىٰهْ ، «سَعَدَّ إِسْرَٰٓءِيلَ يَكٜىٰ كَمَرْ طَنْ يَرُواْ، نَڧَوْنَثٜىٰشِ؞ دَغَ ثِكِنْ مَصَرْ كُوَ نَكِرَوُاْ طَانَ؞ |
|
| 2 |
|
| يَايِنْ دَ إِنَ ڧَارَ كِرَنْسُ، حَكَمَا سُنَ ڧَارَ يِنْ تَاوَيٜىٰ؞ سُنَ تَمِيڧَاوَا بَعَلْ هَدَايُ، سُنَ ڧُواْنَ تُرَارٜىٰ غَ غُمَكَ؞ |
|
| 3 |
|
| كُواْدَيَكٜىٰ نِنٜىٰ نَا كُواْيَوَ إِسْرَٰٓءِيلَ تَڢِيَ، نِنٜىٰ نَا كَامَ حَنُّوَنْسُ، دُكْدَهَكَ بَسُغَانٜىٰ نِنٜىٰ نَا وَرْكَرْ دَسُوبَ؞ |
|
| 4 |
|
| نَجَٰوُاْسُ وُرِينَ دَ إِغِيُواْيِنْ أَلْحٜىٰرِ، نَطَوْرٜىٰسُ دَ ڧَوْنَ، بَ دَ إِغِيُواْيِنْ عَذَابَ إِرِنَّعَبُواْكَنْ غَابَنْكُبَ؞ نَذَمَ مُسُ كَمَرْ مَيْ طَوْكٜىٰ غُنْغُمٜىٰ دَغَ وُيَنْسُ، نَسُنْكُيَ حَرْ وُرِنْسُ نَثِيَرْ دَسُو؞ |
|
| 5 |
|
| «تُنْدَيَكٜىٰ مُتَنٜىٰنَ سُنْڧِے سُكُواْمُواْ وُرِينَ، ذَاسُ كُواْمَ ڧَسَرْ مَصَرْ، سَرْكِنْ أَسُّرِيَ كُوَ ذَيْ يِمُلْكِنْسُ؞ |
|
| 6 |
|
| تَكُواْبِنْ يَاڧِ ذَيْ لَلَتَرْدَ بِرَنٜىٰنْسُ، يَاڧِ ذَيْ هَلَّكَ ڢِرِسْتُواْثِنْ غُمَكَنْسُ، سَبُواْدَ مُوغُوَرْ دَبَرَرْسُ؞ |
|
| 7 |
|
| مُتَنٜىٰنَ سُنْسَا كَيْ سُنَ جُويَا مِنِ بَايَ، كُواْدَيَكٜىٰ سُنَ كِرَنَ مَڢِے طَوْكَكَ ، عَمَّا بَابُ مَيْ طَوْكَكَ نِے؞ |
|
| 8 |
|
| «يَيَ ذَنْ سَكٜىٰكُ، يَا ذُرِيَرْ إِڢْرَيِمْ؟ يَيَ ذَنْ رَبُ دَكٜىٰ، يَا إِسْرَٰٓءِيلَ؟ يَيَ ذَنْ مَيْشٜىٰكِ كَمَرْ أَدْمَ؟ يَيَ ذَنْيِ دَكٜىٰ كَمَرْ ظٜىٰبُواْيِمْ؟ ذُوثِيَاتَ تَنَ مُواْڟَاوَا عَثِكِنَ، تَوْسَيِنَ عَكَنْكِ يَنَ ڧَارُوَ؞ |
|
| 9 |
|
| بَذَنْ حُكُنْتَكِ ثِكِنْ ڢُشِنَ مَيْ ذَاڢِبَ؞ بَذَنْ سَاكٜىٰ هَلَّكَ إِسْرَٰٓءِيلَ عَ أَرٜىٰوَبَ، غَمَا نِے اللَّهْ نٜىٰ، نِے بَمُتُمْبَ، نِنٜىٰ مَيْ ڟَرْكِے وَنْدَ يَكٜىٰ عَثِكِنْكُ؞ بَذَنْ ذُواْ وُرِنْكُ دَ ڢُشِے مَيْ ذَاڢِبَ؞ |
|
| 10 |
|
| «مُتَنٜىٰنَ ذَاسُبِے يَهْوٜىٰهْ ، نِے يَهْوٜىٰهْ وَنْدَ ذَيْ يِ رُورِ كَمَرْ ذَاكِ؞ إِنْ نَايِ رُورِ، دُكْ یَیَنَ ذَاسُذُواْ دَ ضَوَرْ جِكِے، ذَاسُذُواْ دَغَ ڧَسَاشٜىٰنْ يَمَّ؞ |
|
| 11 |
|
| ذَاسُذُواْ دَ ضَوَرْ جِكِے دَغَ مَصَرْ دَ سَوْرِ كَمَرْ ڟُنْڟَيٜىٰ، كَمَرْ كُرْثِيُواْيِ دَغَ أَسُّرِيَ؞ نِے كُوَ ذَنْ كُواْمَرْ دَسُو عَثِكِنْ غِدَاجٜىٰنْسُ؞ نِے يَهْوٜىٰهْ نَا ڢَطَا؞ |
|
| 12 |
|
| ذُرِيَرْ إِڢْرَيِمْ تَكٜىٰوَيٜىٰنِ دَ يَوَنْ ڧَضْيَا، غِدَنْ إِسْرَٰٓءِيلَ كُمَ سُنْ كٜىٰوَيٜىٰنِ دَ مُنَاڢُنْثِ، يَهُودَ كُمَ تَجُويَا مِنِ بَايَ، نِے وَنْدَ نَكٜىٰ اللَّهْ مَيْ ڟَرْكِے ، اللَّهْ مَيْ أَمِنْثِ كُمَ؞» |
|
|
|
|