Efirayimu b’a yɛrɛ barora ni fɔɲɔ le ye; a bɛ bori terebɔyanfan ta fɔɲɔ le kɔ. Lon o lon a bɛ dɔ fara a ta nanbara kan, ka dɔ fara a ta kojuguw kan. A ka jɛnɲɔgɔnya don ni Asiri jamana ye; a bɛ oliviye turu bla ka taga Misiran.
«Kabini aw bɔra Misiran jamana ra, ne le ye Matigi Ala ye, aw ta Ala. Ne bɛna fanibonw le kɛ aw siyɔrɔw ye tuun, i n’a fɔ aw b’a kɛ cogo min na aw ta gbatakɔrɔsigi ɲanagbɛ lonw na.
«Kojugu bɛ Galadi, o kosɔn olugu tɛna kɛ foyi ye. O bɛ misitoranw kɛ saraka ye Giligali, o kosɔn o ta sarakabɔnanw bɛna benben ka kɛ kabakurutonw ye forow kɔnɔ, walanw cɛ ra.