×

Ika Bible 2018

Hosia 12

1
“Ihiẹn nwọnlẹni isi kẹ Ifrem rị a rụn, a chụ ufere gha ụtụntụn d'e ru ẹnyasị! Ntụ-ntụ lẹ egbu-lẹ-egbu rị wẹ isi, e sọn wẹ ndị Asiria kịgbama nị wẹ yeni wẹ ẹka, e buzi wẹ ofigbọn-olivu shi Ijiptu d'a rịọzị eyemẹka.”
2
Osolobuẹ sị Juda e mẹgụọ eje-ihiẹn; o jẹnkọ d'e ye wẹ wụ ụmụ Jekọpụ afụnfụn eje-obibi wẹ, kụ wẹ ụgwọ ihiẹn wẹ mẹ.
3
Kẹ Jekọpụ rị ẹfọ, o kwọndọn nwẹnẹ ẹ atụkụ-azụụn; o suepụha, o sọn Osolobuẹ dọ —
4
o sọn mmọn-ozi Osolobuẹ ahụn dọ, mẹri, kwan ẹkwan, rịọ a ihiẹn. Imẹ Bẹtẹlụ kẹ ya lẹ Chuku nọ hụn, ebẹhụ kẹ Osolobuẹ nọ gwa ẹnyi oku,
5
Osolobuẹ, Chuku ihiẹn ile rị okpuru ẹ, Osolobuẹ wụ ẹfan a kete-kete!
6
Rogharị nị ni nwan d'e kunrun Chuku ụnụ! e kwọnkẹnmẹ ni ihiẹn-ọsụsụọ e mẹ ni ịhịan k'o furu, e che eyemẹka Chuku ụnụ ogẹn ile.
7
Osolobuẹ sị, “Onyẹ e gi eje mkpu a zụn afịa kẹ Ifrem wụ, onyẹ mmẹgbu a sụọ.
8
Ifrem sị enwẹn ẹ, ‘Ẹhẹn, e higụọ m ọdanfịn! Ẹka m e mẹgụọnị m. Onwọnni ebe m nọ kpa eje-egho.’
9
Kanị mmẹ wụ Osolobuẹ Chuku ụnụ ghakwọrị ogẹn ụnụ gi rị alị Ijiptu. M k'e mẹrịrị ụnụ bizi imẹ ọdụ ndị ahụn hụn ụnụ a nyanhan ogẹn mmẹmmẹ ahụa-ahụa ụnụ.
10
Mmẹ gwa ndị-amụma ihiẹn wẹ ku; mmẹ ghọsịsọnmẹ wẹ ihiẹn wẹ hụn gwa ụnụ, gizi wẹ tụnị ụnụ ilu ndị hụ wẹ gi gwa ụnụ oku.
11
O mẹ nwan nị njọ rị a kpọ imẹ Gilẹdị; ndị Gilẹdị a lagụọ iwi; imẹ Gil'galụ zị wẹ rị e gi okẹn-efin a chụnyeni mmọn ẹjan — m k'a kụtuzịkwọ ukpo nchụn-ẹjan ndị ahụn, a nọsọnmẹ wẹ kẹ ikpọn ọmụma rị ugbo wẹ rụn nke ọhụn.”
12
Jekọpụ gbashi alị Aram Siria, nọ ebẹhụ fe ịhịan n'ọ lụrụ nwunyẹ, o duni wẹ atụnrụn gi lụrụ nwunyẹ.
13
Onyẹ-amụma kẹ Osolobuẹ gi zụọpụha ndị Izrẹlụ imẹ alị Ijiptu; onyẹ-amụma k'o gizi du wẹ, chemẹ wẹ.
14
Ifrem a kpasugụọ Osolobuẹ iwe ọda-ọda, Osolobuẹ Di-nwọnn'ẹ k'e mẹ ẹ gi isi ẹ buru ẹ; o k'a kụ a ụgwọ ihiẹn-ifẹnrẹn o mẹ.
Ika Bible 2018
2018, Mission for Language Translation/Ika Bible Translation Committee. 2018, Wycliffe Bible Translators, Inc
:
Save Notes