|
| 1 |
|
| Abaefuraimu nibariisa omuyaga, barenzya eizooba bakuratiire omuyaga gw'oburugwa-izooba. Bakanyisa ebishuba n'obwinazi, bakora endagaano na Asiriya, batwara emitoijo y'amajuta Misiri. |
|
| 2 |
|
| Nyakubaho naata orubanja ahari Yuda, kandi aryafubira Yakobo nk'emitwarize ye oku eri, amuhoore naamutura ebi yaakozire. |
|
| 3 |
|
| Akakwata ekitsintsiino kya mukuru we akiri omu nda; kandi ku yaabaire omushaija waahamya, yaanyururana na Ruhanga. |
|
| 4 |
|
| Akafukaana na maraika, yaasingura; yaarira, kandi yaamweshengyereza. Akabugabugana na Ruhanga Beteli, Ruhanga yaagambirayo nawe. |
|
| 5 |
|
| Mukama Ruhanga ow'amahe, oyetwa Nyakubaho. |
|
| 6 |
|
| Naiwe, ahabw'okuhwerwa Ruhanga waawe, garuka, ohamize kimwe rukundo n'amazima, kandi ogume otegyereize Ruhanga waawe. |
|
| 7 |
|
| Omushuubuzi aguma aine omu ngaro minzaani y'okuryangatanisa, akunda kuzimba abantu. |
|
| 8 |
|
| Efuraimu ayeraata ati: Ebishi ndi omutungi. Nyetungiire eitungo ringi! Kwonka eitungo rye ryona tiriribaasa kumwihisaho orubanja ru yaayereeteire. |
|
| 9 |
|
| Nyowe Mukama Ruhanga waawe owaakwihire omu nsi ya Misiri, ndyagaruka nkutuuze omu mahema nk'omu biro by'obugyenyi obwatairweho. |
|
| 10 |
|
| Nkagamba n'abarangi kandi niinye naakanyiise okworekwa, nkagambisa abarangi enfumu. |
|
| 11 |
|
| Omuri Gileadi ku haraabe harimu ebicumuro, buzimazima abaabikozire baryahinduka busha. Omuri Giligaali ku baraabe nibatambiramu amanimi; amatambiro gaabo garyaba nk'ebirundo by'amabaare omu bihabura by'omusiri. |
|
| 12 |
|
| Yakobo akahungira omu nsi ya Aramu. Okwo niyo Isiraeli yaakorereire omukazi, akariisizayo entaama, ngu abone kumushwera. |
|
| 13 |
|
| Nyakubaho akakoresa omurangi kwiha Abaisiraeli Misiri, kandi baarindwa ogwo murangi. |
|
| 14 |
|
| Abaefuraimu bagwisize kubi Nyakubaho. Nikyo araabarekyere, eshagama ei baaseesire ekabatukurira, akabazimuurira ebijumo bi baajumire. |
|
|
|
|