Ak yaei nguno icheek tengekto kosiir, ak koyachinegei fedhaisyekwak kanamonik che kitanyi, ki yai kanamonik ko uu naennywa, po chooto tugul poisyetap kitang'ik: mwaei agobo tuguuchooto kole, ingong'utut moek piik che eng'sei.
Kergeitu anyun ak poldetap karon, ak rewoot ne sip kobetei, ak ko uu meteteek che ibei kipchurchuryet eng' rwanyut ne kiboorsee, ak ko uu iyeto ne mandoe soiyet.
Ago, aa Kamuktaindet ne Toroor Kamuktaindeng'ung' kobooch emetap Misiri: amecheeng'jigei kamuktain ne teer, kobatena aneege, ama mi yetindet age kobatena.
kituitosi ak icheek ko uu magalaluut ne kagibare aarekyik, ak agereer kwambelelyetap mugulelwekwak: ak ageesu icheek eng' yooto ko uu ng'etundo; tonatoni tyondap timiin icheek.
Atyachi icheek komong' eng' kimnateet ne po kererit; asaru icheek eng' meet. Ee meet, mi ano korotweguk? Ee kererit, mi ano ng'emisyeng'ung'? Ma awale kabwaatutikyuk.