Naawuni Kundi Kasi 2011
|
| 1 |
| Yinim’ Izraɛlnima, labimiya Yawɛ ŋun nyɛ yi Naawuni ŋɔ sani, dama yi tuumbiɛri zuɣu ka yi daa tuui lu. |
| 2 |
| Zaŋmiya yi ni yɛn yɛli yɛtɔɣ’ shɛŋa labi Yawɛ sani ti yɛl’ o, “Kpihimmi ti daalahichi zaa, ka deei ti tuun’ shɛŋa din viɛla, ka ti paɣir’ a kaman di ni simdi ni ti paɣir’ a shɛm. |
| 3 |
| Asirianim’ ku tooi tiligi ti, ti ku lan ba yuri yaha, ti mi ku lan boli ti ni zaŋ ti nuhi mali binshɛŋa la ti Naawuni. Yɛlimaŋli, kpibiga nya nambɔzɔbo.” |
| 4 |
| N ni lan kpaŋsi bɛ ʒiɛyimtali n sani. N ni yuri ba ni n suhu zaa, dama n suhuyiɣisili zaŋ chaŋ bɛ sani maaya. |
| 5 |
| N ni be Izraɛlnim’ sani kaman maligim la. Bɛ ni ti pum puma kaman paɣiviɛligakushihikom la. Bɛ ni ti ba nyaɣa kaman nyoo la. |
| 6 |
| Bɛ ni teei wula, ka bɛ viɛlim ti ŋman’ olivi tihi viɛlim. Ka bɛ nyom ti viɛl’ kaman Lɛbanɔn nyom la. |
| 7 |
| Bɛ ni ti labina ti ʒini m mahim. Bɛ ni ti yirigi puma kaman sambani puu la. Bɛ ni ti wali wala kaman wain tia la, ka bɛ nyom viɛlim ni ti ŋmanila Lɛbanɔn wain nyom viɛlim. |
| 8 |
| Ifriimnima, buɣa bukaata lee nyɛ bɔ yi sani? Mani n-nyɛ ŋun wumdi yi suhigu, ka lihiri ya. N ŋmanila sipirɛs tia din vari kul mahi ʒiɛya sahakam la. Yi bidɔɣiligu yirila n kɔbili ni na. |
| 9 |
| Ŋun mali yɛm, ŋun baŋmi dimbɔŋɔ gbinni. Ŋun nyɛ baŋda, ŋun baŋmi li. Dama Yawɛ soya nyɛla yɛlimaŋli soya, ka wuntizɔriba dol’ li, amaa alahichinim’ bɛn’ tuuri la di zuɣu. |
| Save Notes |
https://beblia.bible:81/BibleAudio/dagbani/hosea/014.mp3
14
14