Tuhan meufeureuman, “He aneuëk-aneuëk Ulôn, ma gata bukon peurumoh Lôn le, dan Ulôn bukon lakoe gobnyan. Sabab nyan, jak peukara kheueh jihnyan mangat jihnyan bék le jipeubuet mukah dan bék le jimeujeuhet.
Ma gata inong jeuhet nyang hana meumalée. Jihnyan jipeugah, ‘Ulôn teuma lôn jak ubak geunaséh-geunaséh lôn nyang bri keu ulôn peunajoh dan ié meuneujieb, wol dan ija lineun, minyéuk zaiton dan ié anggô.’
Sabab nyan, bak musém keumeukoh Ulôn tarek bandum nyang ka Ulôn bri, nyan kheueh gandom dan anggô, meunan cit deungon wol dan ija lineun nyang Ulôn bri keu peukayan jih.
Bak watée nyan Ulôn kupeuna peujanjian deungon meubagoe jeunéh beulatang jeuet lé beulatang-beulatang nyan bék le jipeukaru umat Ulôn. Ulôn kupeupiôh bubena prang dan Ulôn kireueh bube na alat-alat prang di nanggroe umat Ulôn nyan, dan Lôn peujeuet awaknyan udeb deungon aman dan teuntram.
Teuma Lôn peujeuet umat Ulôn udeb seujahteura dan tinggai teutab di nanggroe jih keudroe. Keu awaknyan nyang teuboh nan, ‘Nyang Hana Teugaséh’ teuma Lôn tunyok bahwa awaknyan Ulôn gaséh, dan keu awaknyan nyang teuboh nan ‘Bukon Umat Ulôn’ teuma Ulôn peugah ‘Gata Umat Ulôn’. Awaknyan teuma jijaweueb lagée nyoe, ‘Droeneueh kheueh Allah kamoe.’ ”