Daar a ye, a Israyɛl kamba na n yɩɩ wa Mogr noorẽ bĩisri, b sõora na n lebga ka tɛka. Soaala kõn le yeel wa pĩnda tɩ b ka bãmb neb ye. B na n bool-b-la woto: «Wẽnnaam Vɩɩga kamba.»
Sasa kãnga, Zɩɩda ne Israyɛl kamba na n le lagma taaba, b dĩma na n yɩ-la a ye. B tẽn-peelma me kõn le yɩ ned a to soolem ye. Wẽnd na taas a Zizreyɛl a da kãsenga raare!
Zab ne f ma, Israyɛl, yaa Naaba-Wẽnd n gomde, zab ne-a wʋsgo t'a ka le ya mam pag ye la mam me ka leb n yaa a sɩd ye. Yeel-a t'a pek a nenga la a yãoogo n yiis bũmb ning fãa sẽn wilgd t'a yaa pʋg-yoodre.
tɩ b ma yaa yi-saada, la a ka zoet yãnd ye. La bãng-y t'a pʋgd n gomdame: «M na n pʋga m kamba poore, bãmb n na n kõ-m m dɩɩb la m koom, n kõ-m m sẽn na n yeelg la m sẽgne, n kõ-m m kaam la m dãam!»
La ad m sẽn yete, maam, Naaba-Wẽnde, m na n gɩdga a sorã t'a ra le tõog n loog ye. A soya na n yãga ne gõose. Mam na n mee lalg n gũbg-a t'a ra le tõog n yi ye.
A na mak a roell dãmba pʋgbo, la a kõn tõog ye. A na kõ-b sɛka la na vaale. Dẽ marsã la a na n yeel a menga: «M na n leba m sɩd kʋdga nengẽ, tɩ m sẽn da be ne-yẽ wã, m sũur da ya noog n yɩɩd marsã.»
Ad-y paga ra yĩmame tɩ maam n da moenegd-a, n kõt-a koodo, rã-paalga la ka-neem. A yĩmame tɩ maam n da kõt-a wanzurf la sãnem t'a rõogd a Baal waoogr lagdo.
Yaa rẽ me yĩnga la tigsga wakato a kõn paam kood ye, Bugsuntunga kõn tõs n kõg rãam n yũ ye, M na n deega m pe-kõbdo la m lamdo, la fuug sẽn na n lud yãnde kõn le wʋg ye.
M na n võ-la a bugsuntund la a kankamse. La bãmb poorẽ a ra gomdame: «Ad-y wã fãa yaa m yooba yõodo!» Yõoda na n lebga rũms rẽnda tɩ f pʋʋgã n na n lebg rũmsa wãbneg zĩiga.
Maam, Naaba-Wẽnd, n yete: «Woto la a na yao a sẽn bas maam n pʋg a Baal ne a wẽn-taase. A ra pʋgda bãmb ne a kũuni. A ra ninga a fan-teedo, a tʋb-londo la a muizãana n babsd a roell dãmba. Mam yell bal la a ra yĩm yã. Soaala n gomde.
tɩ m yaool marsã n lebs-a a bugsuntundã; Akor bãooga sẽn kẽesd rabeem dũnna wã na n pidsa a sẽn gãe n saagd bũmb ninga fãa. A na n pʋg-m-la zĩ-kãnga wala a bi-bɩɩlmẽ, wala Ezipt yiiba wakato.»
Badaare, m buuda yĩnga m na n yõga zood ne yir dũmsi, yĩngri luiili la tẽng bõn-vuudi wã fãa. Tãpo, sʋʋga, zab-teoog buud fãa kõn le yiis ye. M buuda na ya n paam n vʋʋs ne laafi.
F na n lebga m paga daar buud fãa yĩnga. La m na yao m sẽn tog n yao bũmb ning fãa tɩ f lebg m paga. M na lɛɛg n pids-f ne pʋ-peelem, ne zemsgo, nonglem la sũ-bʋgsem.
Badaare, maam, Naaba-Wẽnd, n yete, m na lebg Wẽnd sẽn sakde, b sã n bool-ma. Yĩngr sẽn kose, m na kõ-a t'a reeg n taas tẽnga. Tẽnga na kõ pʋtã b sẽn date.