“Whakarongo ki tēnei, e ngā tohunga! Mahara mai, e te whare o Īharaira! Kia whai taringa mai hoki, e te whare o te kīngi! Mō koutou hoki te whakawā; nō te mea kua waiho koutou hei rore ki Mihipa, hei kupenga horahora ki runga ki Taporo,
“E whakaaturia ana tā Īharaira e tōna whakapehapeha ki tōna aroaro anō. Nā, ka hinga a Īharaira rāua ko Ēparaima i runga i tō rāua hē, me Hūrā, ka hinga ngātahi rātou.
“I te wā i kite ai a Ēparaima i tōna mate, a Hūrā hoki i tōna marūtanga. Nā, haere ana a Ēparaima ki Ahiria, tuku tāngata ana ia ki a Kīngi Iarepe. Heoi, e kore koutou e taea e ia te rongoā, e kore hoki e ora i a ia tō koutou marūtanga.
Ka rite hoki tāku ki a Ēparaima ki tā te raiona, tāku ki te whare o Hūrā ka rite ki tā te kūao raiona. Ka haehae ahau, inā, ahau anō, ā, ka haere; ka maua atu e ahau, ā, kāhore he kaiwhakaora.
Ka haere ahau ka hoki ki tōku wāhi, kia whakaae rā anō rātou ki tō rātou hē, kia rapua rā anō tōku mata e rātou. Ā, i a rātou e mate ana, kaha tonu tā rātou rapu i ahau.”