Mam mi m sẽn na n maan bũmb ning ne a Efrayim, m sẽn na n maan bũmb ning ne a Israyɛl. Sɩda y tusa a Efrayim n tees yoobo, la yaa Israyɛl tõre la y rẽgem yã.
Israyɛl zẽk-m-menga n sãamd-a. A Efrayim ne a Israyɛl yel-wẽna n kɩt tɩ b kẽnd n lagsd n lʋɩtẽ la yaa b yel-wẽnda n kand-ba n lubdẽ. A Zɩɩda meng naagame n lagsdẽ.
A Efrayim reega a kongre. A Zɩɩda yãe-la a bãaga sẽn lebg bã-toogã. Woto a Efrayim tɩ yõka Asiri sɛɛga. A Zɩɩda kẽng n tɩ yẽsa ne dĩm kãsenga; yẽ me ka na n tõog n sõng-y ne bũmb ye. A kõ tõog n tɩp y nodr ye, Efrayim kamba.
Yaa maam, Naaba-Wẽnde, n zabd ne yã wa bõnyẽega, yaa maam n kaoog zabre ne a Zɩɩda, wala rũn-toaaga. M sã n yõk bũmbu, n tar-a n looda, ned ka tõe n le reeg-a mam nugẽ ye.
Ade, Naaba-Wẽnd meng n gomda: ‹M na n leba m doogẽ, n tãag a Efrayim kamba sẽn wat n deeg b kongre. B sẽn wat n lʋɩ yɩɩr pʋgẽ la b na n bao mam sẽn beẽ.› »