×

Ika Bible 2018

Hosia 6

1
Wẹ k'a sị, “Nị ẹnyi kinni azụụn ebe Osolobuẹ rị! Ọ dọkịkagụọ ẹnyi, kanị, o k'a zụọ ẹnyi; ọ rụgụọ ẹnyi ẹhụ, kanị, o k'e kẹnmẹ ẹtẹ ẹnyi.
2
Akpọhịn ẹbụọ ghafegụ, o mẹzi ndụn ban ẹnyi; ẹghẹẹ, hụn mẹ ẹ akpọhịn ẹtọ, o welizi ẹnyi, kẹni ẹnyi bisọnmẹn'ẹ.
3
Nị ẹnyi marịn nị Osolobuẹ; nị ẹnyi lịlịma nị d'a marịn a! O k'a zarịrị ẹnyi k'o dọn mẹni eki k'e fọnrịrị; k'o dọn mẹni mirin k'e zuerịrị; k'o dọn mẹni udu-mirin k'a bịarịrị.”
4
Kanị Osolobuẹ sị, “Euu, ndị Ifrem, kẹ m k'e gi ụnụ mẹ?! Euu, ndị Juda, kẹ m k'e gi ụnụ mẹ? Ihiẹn m ara sụọbie ụnụ kaka ihiẹn-ọsụsụọ ụnụ nọhụ kẹ igirigi ụtụntụn wẹ ghalẹni e gi e dọn ẹnya, igirigi ụtụntụn hụn ghalẹni a tọ kaka akpụ-ohu.
5
Ya haịn m gi wa ụnụ kẹ nkụn ghahanị ọnụ ndị-amụma m zihẹsọnmẹni ụnụ; e gizi m oku-ọnụ m gbu ụnụ. E mẹshi m ụnụ ikẹn hụn pụha ifọn kẹ ukpẹ.
6
M chọ nị ihiẹn m sụọferi ụnụ, ẹlẹ ịchụn-ẹjan kẹ m chọ; ịmarịn-Osolobuẹ kẹ m chọ karị ịchụn-ẹjan w'a kpọ ọkụn.
7
Kanị, e mẹgụọ wẹ kẹ Adam tikpọ nkwerigbama mmẹ lẹ wẹ, e gigụọ wẹ ghẹrẹ-ghẹrẹ-ghẹrẹ sọn m.
8
Gilẹdị wụ obodo ndị-ejẹ, ụkụ ndị izighẹ rịn'a a rụgụọ a.
9
Kẹ ndị ohin dọn e chekin ịhịan ụzọ ẹrịra kẹ ndị nchụn-ẹjan e mẹ nwan; wẹ rị nwan e gbu ọchụn ụzọ Shẹkẹm, e mẹ eje-ihiẹn e mẹ ifẹnrẹn!
10
A hụnọlẹ m eje-ihiẹn jọgbu enwẹn ẹ imẹ Izrẹlụ Ẹbamịn-ugu: ndị Ifrem nọ ebẹhụ a gba ịgbaraja ife-mmọn; ndị Izrẹlụ rị ebẹhụ a rụgụọ.
11
Kẹ ụnụ nwẹn, ndị Juda, a kayegụọ m ogẹn m'e gi betu ụnụ kẹ ọka; bụ m chọ nị m mẹ n'ọ rịzịnị ndị nke m mma.
Ika Bible 2018
2018, Mission for Language Translation/Ika Bible Translation Committee. 2018, Wycliffe Bible Translators, Inc
:
Save Notes