Reng-oreng Isra'il ngoca', “Mara ja' abaliya ka PANGERAN. Pangeran jareya se nyake'e sengko' ban ba'na, tape Pangeran jareya keya se mabarasa. Pangeran jareya se maloka, tape Pangeran jareya keya se abetbet ka-lokana sengko' ban ba'na jareya.
Daddi mara ba'na ban sengko' aehteyar kalaban gu-onggu sopaja taowa ka PANGERAN. Salerana tanto rabu ka sengko' ban ba'na akantha padhatengnga pajjar, ban akantha ojan se mabacca bume e dhi-budhina mosem nambara'.”
Jareya sababba arapa Sengko' me' ngotos Tang bi-nabbi kaangguy manapa' ka ba'na Tang kapotosan ja' ba'na kodu eokom ban epaancor. Se epenta Sengko' dhari ba'na la terrang ban jarna':
Mam-imam e jadhiya padha ban gal-bigal se ngaddhang oreng lebat. E jalan ka kennengngan se socce e Sikhem reng-oreng jareya mate'e oreng keya! Kajahadan jareya kabbi pajat etengnget.