«Aw ka buru fiyɛ! Bari, bɔnɛ be nana ne Masaba ka soo kan, i ko sɛgɛn jigitɔ k'a ka dumuni ta! Bari, u ye ne ka bɛɛn cɛn n'u ye, u murutira ne ka ladiliw ma.
U ye masaw sigi k'a sɔrɔ u ma ne ɲininga, u ye ɲamɔgɔw sigi n ɲinɛ ma. U y'u ka warigwɛw n'u ka sanuw ta k'o lalaga joow ye. O be na n'u ka halakili ye.
U be begɛnw kɛ saraka ye, k'u sogo ɲimi. Nga o man di ne Masaba ye. Sisan, ne hakili b'u ka kojuguw la. N bena u ka hakɛw juru sara u la. U bena kɔsegi Ezipiti jamana na.