Joga yiero ruodhi maggi, to gitimo kamano ma ok gipenja. Bende giyiero jotelo ka ok ayie. Gikawo fedha gi dhahabu ma gin-go, kendo giloso nyiseche manono ma biro kelonigi mana masira.
“Jo-Israel chwoyo yamo, to gikayo mana kalausi. Gin gi cham ma ok wuodhi, omiyo gionge gi mogo. To kapo ni onyago cham, to jopinje mamoko dichame, mi tieke.
Gisedhi Asuria mondo giyudie konyruok, ka gichalo kanj thim moringo oa e kweth, kendo gitimo mana gima gin ema gidwaro. Adier, jo-Israel oseng’iewore kuom ogendini mamoko mondo okonygi.
Gihero timo misengni, kendo gihero chamo ring misengnigo. To an Ruoth Nyasaye ok amor kodgi, kendo abiro paro richogi mi akumgi, ka adwokogi e piny Misri.
Jo-Israel osegero ut ruodhi, to wigi owil gi jachuechgi. Jo-Juda osegero mier mochiel motegno, to abiro oro mach mondo owang’ miego kaachiel gi ut ruodhigo.”