û wekî pêşkêşiya ji Xudan re neyîne ber deriyê Konê Hevdîtinê, ber Meskenê Xudan, wê li ser wî zilamî xwîn bê hesibandin. Ji bo ku wî xwîn rijandiye, wê ji nav gelê xwe bê avêtin.
Ev wisa ye ku wê gelê Îsraêl qurbanên ku li çolê serjê dikin, li hizûra Xudan bidin kahin, li ber deriyê Konê Hevdîtinê û wekî qurbana aştiyê pêşkêşî Xudan bikin.
Çimkî canê goşt di xwînê de ye. Loma min ji gelê Îsraêl re got: Hûnê xwîna tu goştî nexwin. Canê hemû goştî di xwîna wî de ye. Kesê xwînê bixwe, wê ji nav gelê xwe bê avêtin.
“‘Çi welatî çi jî xerîb, hemû kesên ji we ku ji termê heywanê bi xwe miriye yan ji aliyê heywanekî çolê ve hatiye perçekirin bixwe, wê kincên xwe bişo, serê xwe bişo û heta êvarê qirêj bê hesibandin. Piştre wê paqij bibe.