Wê bîne ba kurên Harûn ku kahin in. Wê kahin jê kulmek arvanê hûr û zeytê bi tevahiya guniyê ve hilde û para diyarkirî ya li ser gorîgehê bişewitîne. Ev pêşkêşiya şewitandinê ye ku bêhna wê bi Xudan xweş tê.
“‘Gava tu pêşkêşiya dexlê ya di tenûrê de hatiye pehtin pêşkêş dikî, divê ji arvanê hûr be. Divê ev kadeyê şikeva be ku bi zeytê hatiye hevîrkirin. Yan jî nanê sêlê yê şikeva be ku zeyt li ser hatiye kirin.
“‘Divê pêşkêşiya dexlê ya ku pêşkêşî Xudan tê kirin tu caran bi hevîrtirş nebe. Divê hûn di nav pêşkêşiya şewitandinê ya ji bo Xudan e de, qet hevîrtirş û hingiv neşewitînin.
“‘Heke tu ji berên te yên pêşî pêşkêşiya dexlê ya berê pêşî pêşkêşî Xudan dikî, tê simbilên genimê teze hatine jêkirin û li ser êgir hatine qelandin û kutan pêşkêş bikî.