mek i tɛl di Izrɛlayt dɛn se, ɛni Izrɛlayt ɔ trenja we de na Izrɛl, we de gi in pikin fɔ sakrifays to Molɛk, dɛn fɔ kil am; di ɔda pipul fɔ ston am te i day.
I se insɛf go dison di pɔsin ɛn i nɔ go miks wit in pipul igen bikɔs nain tɛnt usay dɛn kin mit am i go de mek nɔ klin nain yay, ɛn i go de disgres in nem.
dɛn nɔto di man nɔmɔ PAPA GƆD go dison, i go dison in famili ɛn ɔl udat de fala am pan wetin i de du we i de biev lɛk rare gyal to Molɛk we na ɔda gɔd.
I tɔk bak se if pɔsin biev lɛk rare gyal ɛn go to dɛn wan we kin wek dayman ɔ we kin tɔk bɔt wetin go apin bambay, i go dison da pɔsin de ɛn i nɔ go mek i miks wit in pipul igen
I se, if man tap na os wit in sista, wɛda nain papa in pikin ɔ nain mama in pikin, dɔn dɛn pul klos fɔ dɛn kɔmpin, na disgres da wande, nɔ fɔ mek dɛn miks wit di ɔda pipul igen, i dɔn mek in sista pul klos fɔ am, so dɛn go bia wetin go bi to am.
If man lidɔm wit in ɔnkul in wɛf, nain ɔnkul i disgres, dɛn ɔltu dɔn kɔmit sin, so, dɛn fɔ tek ɛni pikin we dɛn bɔn na dɛn an ɛn dɛn go day lɛk udat nɔ bɔn pikin.
If man mared in brɔda wɛf we di brɔda nɔ day yet, na dɔti gem ɛn i nɔ go klin na PAPA GƆD yay; nain brɔda i disgres, na fɔ tek ɛni pikin we dɛn bɔn na dɛn an.
Bɔt PAPA GƆD in dɔn tɛl dɛn se, dɛn go gɛt di land as dɛn prɔpati, dɛn go kapchɔ am, land we fayn fɔ plant ɛn mɛn animal dɛn. I se nain na PAPA GƆD we na dɛn PAPA GƆD ɛn nain dɔn mek dɛn difrɛn frɔm ɔda pipul.
Na dat mek dɛnsɛf fɔ sho se animal we klin na PAPA GƆD yay difrɛn frɔm di wan we nɔ klin na PAPA GƆD yay, bɔd we klin na PAPA GƆD yay difrɛn frɔm bɔd we nɔ klin na PAPA GƆD yay. So, dɛn nɔ fɔ mek animal ɔ bɔd ɔ ɛni dɛn tin dɛn we de pas pas na wɔl we i se nɔ klin na PAPA GƆD yay, mek dɛn nɔ klin na PAPA GƆD yay.