Dɛn PAPA GƆD tɛl Mozis fɔ tɛl di man dɛn we de mek sakrifays fɔ pipul sin, dat na Erɔn in bɔypikin dɛn, se, dɛn nɔn nɔ fɔ mek dɛn nɔ klin na PAPA GƆD yay fɔseka ɛni dɛn fambul we dɔn day,
I se dɛn nɔn nɔ fɔ krep wan pat pan dɛn ed fɔ mek bɔled, nɔ fɔ skrep pan di ia we de na dɛn dɛn fes in sayd ɔ shep dɛn biabia lɛk got ɔ mak mak idɛn bɔdi.
Dɛn nɔ fɔ mared uman we de biev lɛk rare gyal fɔ go wɔship ɔda gɔd dɛn ɔ uman we nɔto vajin ɛn dɛn nɔ fɔ mared uman we nɔ tap na os wit in fɔs man igen, bikɔs dɛn na man dɛn we de mek sakrifays fɔ pipul sin so dɛn fɔ oli fɔ PAPA GƆD.
If di man we de mek sakrifays fɔ pipul sin in gyal pikin disgres insɛf ɛn biev lɛk rare gyal fɔ go wɔship ɔda gɔd ɛn disgres in papa, na fɔ bɔn am na faya.
Di bigman pan di man dɛn we de mek sakrifays fɔ pipul sin we nain ed dɛn bin anɔynt wit ɔyl, ɛn we nain bin wɛr dɛn klos we na man dɛn we de mek sakrifays fɔ pipul sin kin wɛr, nɔ fɔ lɛf di ia nain ed so ɛn nɔ kom am, i nɔ fɔ chɛr chɛr in klos fɔ sho se i gɛt bɛrin,
i nɔ fɔ kɔmɔt na di tɛnt usay dɛn kin mit PAPA GƆD fɔseka bɛrin ɛn disgres di tɛnt usay dɛn kin mit PAPA GƆD bikɔs di ɔyl we de pan am sho se in na PAPA GƆD yon; i se nain na PAPA GƆD.
Nɔ fɔ mared uman we in man dɔn day, ɔ wan we in man dɔn lɛf am, ɔ uman we biev lɛk rare gyal fɔ go wɔship ɔda gɔd bɔt i fɔ mared vajin we kɔmɔt na di sem fambul,
nɔbɔdi we na Erɔn in jɛnareshɔn we gɛt bɔt nɔ go go nia di ɔlta se i de mek ɔfrin na faya to PAPA GƆD; as i gɛt bɔt, i nɔ fɔ go nia di ɔlta fɔ gi PAPA GƆD it.
bɔt i nɔ fɔ go nia di klos we ɛŋ na di domɔt ɔ di ɔlta bikɔs i gɛt bɔt ɛn i go put shem pan di tɛnt usay dɛn kin mit PAPA GƆD wit ɔl wetin de de; bikɔs nain na PAPA GƆD we de mek dɛn oli.