t'a wilg a Aarõ ne a kamba tɩ b sã n pa rat n paoog-ma, bɩ b lak b mens wakat kẽere ne maanda rɩɩbo, maand niyns Israyɛl kamba sẽn wat n kõt-ma, maam b Soaala-Wẽnde.
Yeel-b woto: Zamaan woo zamaana, yãmb buuda ned da saag n dɩ kũun niynsi a Israyɛl kamba sẽn kõt Wẽnnaama, a sã n ne tɩ b rɩɩb wata ne m paoogre. Sẽn saaga n dɩ, bɩ b kʋ a soaba. Yaa maam n gome, maam, yãmb Wẽnnaam!
A Aarõ yageng sẽn bẽed yĩng bãaga bɩ sẽn kɩrsd a yĩng rẽgdo, da saag n dɩ rɩɩb ning Israyɛl kamba sẽn wat n kõt Wẽndã t'a ka reng n pek a meng ye. Boto me ne ned ning fãa sẽn lebg rẽgdo, a sẽn sɩɩs kũum yĩnga, bɩ yell a to sẽn be a zug yĩnga t'a mi tiiri.
Sẽn ka-a maan-kʋʋd ka tõe n sɩɩs rɩ-sõng ye; sãan sã n sig maan-kʋʋda, a pa tõe n sɩɩs rɩ-sõng ye. Sẽn be-a maan-kʋʋd zakẽ n tʋmd n deegd yaood, yẽ me ka tõe n dɩ ye.
A sã n lebg pʋg-kõore, bɩ b sã dig-a lame, la a sẽn ka tar kamb yĩnga, a lɛɛg n wa be-la a ba zakẽ, wala a yãadmẽ, a tõe n dɩ-la a ba rɩɩbo, ne a sẽn ka maan-kʋʋdã.
t'a wilg a Aarõ ne a kamba la a Israyɛl dooga zãng woto: «A Israyɛl biig bɩ sãan sẽn nok-a, sã n dat n kʋ yũ-noog maoongo, yaa pʋleng bɩ yamleoog maoongo,
Da kõ Soaala-Wẽnd rũng sẽn ya zoang ye, kar-keok ye, kar-fiung ye, sẽn tar ãbr ye, sẽn tar dasempʋɩɩg ye, sẽn tar nodr sẽn kaood mɛt ye. B ra saag n dɩgl rũng a woto buud neong maan-kugra zug ye tɩ ka tõe n yɩ Soaala-Wẽnd dɩɩb ye.