“‘Hûnê şeş rojan bixebitin. Lê roja heftan Sept e, roja bêhnvedanê û civîna pîroz e. Hûnê tu karekî nekin. Li hemû derên ku hûn dijîn, ev ji Xudan re Sept e.
Hûnê bi berx re, wekî pêşkêşiya dexlê ji dehan duduyê efaya arvanê hûr a ku bi zeytê hatiye hevîrkirin pêşkêşî Xudan bikin. Wê pêşkêşiya şewitandinê ew be ku bêhna wê bi Xudan xweş tê. Bi vê re jî hûnê wekî pêşkêşiya rijandinê çarîka hînekê şerabê pêşkêş bikin.
Heta we pêşkêşiya Xwedayê xwe anî, tam heta wê rojê, hûnê nan, genimê qelandî û simbilên teze nexwin. Li her dera ku hûn dijîn, wê ev di nav nifşên we de qanûneke herheyî be.
Ji dera hûn lê dijîn, hûnê wekî pêşkêşiya raberkirinê du nanî bînin. Wê nan ji berê pêşî bin û ji dehan duduyê efayeke arvanê hûr hatibin çêkirin. Wê ji bo Xudan bin û bi hevîrtirş hatibin pehtin.
Hûnê bi nên re heft berxên nêr ên yeksalî û bêqisûr, conegayek û du beranan pêşkêş bikin. Wê ev bi pêşkêşiya dexlê û pêşkêşiya rijandinê re, qurbana şewitandinê ya Xudan be. Wê ev pêşkêşiya şewitandinê bin a ku bêhna wan bi Xudan xweş tê.
“‘Gava we berê welatê xwe hilanî, hûnê kujên zeviyên xwe bi tevahî neçinin, simbilên ku dikevin erdê nedin hev. Hûnê wan ji bo bindest û xerîban bihêlin. Xwedayê we Xudan ez im.’”
Hûnê heft rojan pêşkêşiyên şewitandinê pêşkêşî Xudan bikin. Hûnê di roja heştan de civîneke pîroz çêkin û pêşkêşiyên şewitandinê pêşkêşî Xudan bikin. Ev civîna mezin e, hûnê karê xwe yê rojane nekin.
“‘Cejnên Xudan ên ku hûnê wekî civînên pîroz diyar bikin ev in. Hûnê van pêşkêşiyên Xudan ên şewitandinê bikin; qurbanên şewitandinê û qurbanên din, pêşkêşiyên dexlê û pêşkêşiya rijandinê. Hûnê her yekê di roja wê de pêşkêş bikin.
“‘Herwiha di panzdehê meha heftan de, gava hûn berên welatê xwe berhev dikin, hûnê heft rojan cejna Xudan bikin. Wê roja pêşî û roja heştan rojên bêhnvedanê bin.
Hûnê roja pêşî fêkiyên xweş ên darên we, guliyên xurmeyan, guliyên darên pelgur in û spîndarên geliyan bidin hev û li hizûra Xwedayê xwe Xudan heft rojan şa bibin.