Wê Harûn ji êvarê heta serê sibê, li hizûra min qendîlê herdem pêxistî bihêle ku li Konê Hevdîtinê, li derveyî perdeya li ber Sindoqa Şahidiyê ye. Wê ev di nav nifşên we de qanûneke herheyî be.
Wê ev para Harûn û kurên wî be û wê wî li dereke pîroz bixwin. Çimkî ev ji pêşkêşiyên şewitandinê yên ji bo Xudan e û gelekî pîroz e. Wê herdem para wan be.”
Kesê çêrî navê Xudan bike wê esse bê kuştin. Wê tevahiya civakê esse wî bide ber keviran. Çi xerîb, çi welatî, her kesê çêrî navê Xudan bike wê bê kuştin.
Mûsa ev ji gelê Îsraêl re got. Wan kesê nalet aniye derxist derveyî artêşgehê, da ber keviran û ew kuşt. Gelê Îsraêl çawa ku Xudan li Mûsa emir kiriye, kir.