ihiẹn w'e gi gbarị okẹnnyẹ rị gha ahụa ọgụn d'e ru ahụa ọgụn-ẹtọ wụ akpụrụ egho siliva iri kwasị ọgụnnaị — ihiẹn wẹ gi a ma siliva imẹ ụlọ-nsọ kẹ w'e gi ma a;
Omẹni onyẹ rị e kwe nkwa hụ e mẹkẹzi ogbẹnnyẹ, n'ọ sakọ ẹka kụ ọnụ-egho hụ w'a kụ, o sikọ d'e we onyẹ hụ o k'a gbarị jẹnni onyẹ nchụn-ẹjan, onyẹ nchụn-ẹjan e ku ọnụ-egho wẹ k'e gi gbarị a; ọnụ-egho o k'e ku k'a wụ hụn onyẹ kwe nkwa k'a saẹka kụ.
Ọ sakọzị ẹka gbahutọ a, o gikọdẹ hụn rị mma gbarị hụn rịlẹni mma o te gi kwanị Osolobuẹ mọbụ gi hụn rịlẹni mma gbarị hụn rị mma; ọ gbahutọ a, kẹ hụn o gi kwanị Osolobuẹ kẹ hụn o te gi gbahutọ a a rịpụ nsọ, lachanrịnnị Osolobuẹ.
“Ịhịan gi ụlọ a kwanị Osolobuẹ n'ọ wụrụchanrịn nke Osolobuẹ, onyẹ nchụn-ẹjan k'e ku kẹ ọ hụ mma ra ọ rịnị mma. Ihiẹn ọwụlẹ onyẹ nchụn-ẹjan sị nị ya wụ ọnụ-egho ẹ, ya k'a wụ ọnụ egho ẹ.
Omẹni ịhịan a nọ alị wụ ukun ẹ weri kwanị Osolobuẹ, ihiẹn-ugbo ya lẹ ya han kẹ w'e gi ye ọnụ a: ọka-bali k'e jun mkpu kọstadị uku mmisẹn kwasị ọgụnnaị k'a wụ akpụrụ egho siliva iri kwasị ọgụnnaị.
Kanị, omẹni Ahụa Iyekin-ihiẹn a gharịgụọ n'o d'e we alị hụ kwanị Osolobuẹ, onyẹ nchụn-ẹjan e gi ahụa ole họdụnị nị Ahụa Iyekin-ihiẹn lalanị ru ye ọnụ a, ogẹn hụ o belụa ọnụ-egho ẹ.
onyẹ nchụn-ẹjan sikọ d'e gi ahụa ole ọ họdụ nị Ahụa Iyekin-ihiẹn ru ye ọnụ a. Ụhụọhịn hụ daị kẹ onyẹ ahụn k'a kụ ụgwọ a, ọ rịpụ nsọ, wụrụ ihiẹn wẹ yechanrịn Osolobuẹ.
Omẹni anụ rịlẹni ọchan w'a sọ rọ, o nwọn ikẹn gbarị a, kanị ọnụ egho wẹ gi a gbarị a k'o k'e gi gbarị a, o wezi ohu imẹ ụzọ isẹn chen'ẹ. Omẹni ọ gbarịn'a, e re w'ẹ ọnụ-egho hụ wẹ gi a gbarị a.
“Kanị ịhịan gi ihiẹn kwanị Osolobuẹ ọkwụkwa wẹ gi e tikpọ ihiẹn, erekọ w'a mọbụ gbarị a, kẹ ịhịan kẹ anụ kẹ alị ebọn; ihiẹn ile wẹ gi kwanị Osolobuẹ a rịchanrịngụọ nsọ, lachanrịnnị Osolobuẹ.
“Ụzọ ohu imẹ ụzọ iri ihiẹn ile alị mẹ wụ nke Osolobuẹ, kẹ ọka gha alị pụha kẹ mkpụrụ-osisi, uwẹ ile wụ nke Osolobuẹ, wẹ rị nsọ, wụchanrịn nke Osolobuẹ.
Ohu imẹ iri imẹ efin ile lẹ atụnrụn ile ịhịan nwọn, anụ ọwụlẹ pụha ube iri ebe onyẹ ndu anụ nọ a gụn anụ a, k'a rịchanrịn nsọ, wụrụchanrịn nke Osolobuẹ.