ni mondo onyis jo-Israel niya, “Ka ng’ato okuong’ore ni obiro chiwo ng’ato ni Ruoth Nyasaye, eka bang’e oyudo ni ok onyal chopo kuong’ruokno, to nengo monego owargo ng’atno e ma:
Ka ng’at mokuong’oreno odhier ahinya ma ok nyal chulo nengo moketne, to noter ng’at ma nokuong’ore ni ochiwono e nyim jadolo, mi jadolo nogo nengone maromre gi pesa ma ng’at mokuong’ore nyalo chulo.
Ng’atno ok nyal wile mondo oket moro kare, bed ni orach kata ober, bende ok onyal wile gi gimoro nono. To kapo ni olok chiayo moro kar ma nochiw, to chiayo mokwongo, kaachiel gi mowilego nodok mowal ni Ruoth Nyasaye.
“To ka ng’ato ochiwo ni Ruoth Nyasaye lope moro, to nyaka go nengone maromre gi kodhi michwoyego. Nengo lowo minyalo chwoyo gi kodhi moromo kilo abiriyo nobed shekel piero abich.
To ka en chiayo mogak ma ok nyal timgo misango ni Ruoth Nyasaye, to enoware e nengo migoyone, komedoe achiel kuom abich mar nengone. Kata ka ok oware, to nyaka ng’iewe e nengo miketo.
“To kata kamano gima ng’ato oweyo ni Ruoth Nyasaye chuth kuom gik moko ma en go, bed ni en dhano kata chiayo kata lowo, ok onyal waro kata ng’iewo nikech gima owe ni Ruoth Nyasaye chuth en gima ler moloyo.
Kik ng’ato non ni gibeyo kata giricho, bende ok nolokgi gi moko. To kapo ni owilo chiayo moro gi machielo, to chiayo mar aparno, kaachiel gi mowilegono, nobed gik maler chuth, kendo ok nowargi.”