|
| 1 |
|
| «Tayta Diospa puntanman alli päsakuy sacrificiuta apamurqa torïtuta o ternërata karpis sänuta apamunqa. |
|
| 2 |
|
| Sacrificiupä apamuq runam ashmapa umanman makinta churaykur Tinkuna Toldupa patiunchö pishtanqa. Aarónpita miraq sacerdötikunanam ashmapa yawarninwan altarpa lädunkunata tsaqtsuyanqa. |
|
| 3 |
|
| «Tsaypitanam Tayta Diospä rupatsiyänanpä ashmapa pacha wiranta sacerdötikunata entreganqa. |
|
| 4 |
|
| Tsaynöllam entreganqa wirantawan ishkan rurunkunata, lömunchö wirankunata y ñatinchö kaykaq wirankunata. Ñatinchö wirankunatawan rurunta jipinqa. |
|
| 5 |
|
| Rupatsina sacrificiu jananchö rupananpämi tsaykunata altarman sacerdötikuna churayanqa. Tsay rupatsinqanpa mushkuyninmi Tayta Diospa shonqunpänö kanqa. |
|
| 6 |
|
| «Alli päsakuy sacrificiupä üshata o cabrata apamurqa chinata o orquta karpis sänuta apamunqa. |
|
| 7 |
|
| Üshata Tayta Diospa puntanman apamurqa |
|
| 8 |
|
| üshapa umanman makinta churaykur Tinkuna Toldupa patiunchö pishtanqa. Tsay üshapa yawarninwanmi sacerdötikuna altarpa lädunkunata tsaqtsuyanqa. |
|
| 9 |
|
| «Alli päsakuy sacrificiupä apamurqa üshapa chupanta kuchupita roquskir pacha wirantinta sacerdötikunata entreganqa. |
|
| 10 |
|
| Tsaynölla entreganqa rurunninkunata wirantinta, lömunchö wirankunata y ñatinninchö kaykaq wirankunata. Ñatinchö kaykaq wirankunataqa rurunnintawan jipiskir |
|
| 11 |
|
| altarchö sacerdöti rupatsinqa. Tsay rupatsinqanmi Tayta Diospä mikuy kanqa. |
|
| 12 |
|
| «Cabra kaptinqa Tayta Diospä pishtanqan höra |
|
| 13 |
|
| ashmapa umanman makinta churaykur Tinkuna Toldupa patiunchö pishtanqa. Tsay ashmapa yawarninwanmi Aarónpita miraq sacerdötikuna altarpa lädunkunata tsaqtsuyanqa. |
|
| 14 |
|
| «Tsay apamuq runam sacerdötikunata entreganqa cabrapa pacha wiranta Tayta Diosta adorar altarchö rupatsiyänanpä. |
|
| 15 |
|
| Tsaynöllam entreganqa ishkan rurunninkunata wirantinta y lömunchö wirankunatapis. Ñatinchö kaykaq wirankunataqa rurunnintawan jipiskirmi |
|
| 16 |
|
| altarchö sacerdöti rupatsinqa. Tsay rupatsinqanpa mushkuyninmi Tayta Diospa shonqunpänö kanqa. Cabrapa wirankunaqa Tayta Diosllapämi kanqa. |
|
| 17 |
|
| «Maychö tarpis wirata ni yawarta ama mikuyankitsu. Tsay ninqäkunaqa imayyaqpis leymi qamkunapä y qamkunapita miraqkunapäpis kanqa». |
|
|
|
|