nga ibagana daytoy kadagiti Israelita. No adda agbasol ket salungasingenna ti uray ania kadagiti linteg ti Apo a dina inggagara, masapul a tungpalenna dagiti sumaganad nga annuroten.
No ti Kangatoan a Padi ti agbasol a pakairamanan met dagiti tattao, masapul a mangidatag iti bumaro a baka nga awan depektona ket idatonna iti Apo gapu iti basolna.
Pulagidanna iti dara dagiti sinan-sara ti altar a pagpuoran iti insenso iti Tolda. Ibuyatna ti natda a dara iti puon ti altar a pagidatagan iti daton a mapuoran nga adda iti ruangan ti Tolda.
Ipanna amin dagitoy iti ruar ti kampo, iti lugar a nadalus iti imatang ti linteg, iti pagibellengan iti dapu, ket puoranna ida iti rabaw dagiti kayo a pagsungrod.
Pulagidanna iti dara dagiti sinan-sara ti altar a pagpuoran iti insenso iti uneg ti Tolda. Ibuyatna ti natda a dara iti puon ti altar a pagidatagan iti daton a mapuoran nga adda iti ruangan ti Tolda.
Aramidennanto iti daytoy a baka ti kas iti inaramidna iti baka a naidatag gapu iti basol, ket kalpasan ti panangannongna iti seremonia a pangikkat iti basol, napakawanen dagiti tattao.
Ipanna ti baka iti ruar ti kampo ket puoranna a kas iti inaramidna iti baka a naidaton gapu iti basolna. Daytoy ti daton a mangikkat iti basol ti sangkagimongan.
Ipatayna ti imana iti ulo ti animal sana patayen iti akin-amianan a paset ti altar, iti pagpatayan kadagiti daton a mapuoran. Daytoy ti daton a mangikkat iti basol.
Kalpasanna, puoranna amin a taba ti animal iti altar, kas iti inaramidna iti taba dagiti animal a naidaton a pakikappia. Kastoy ti pannakaidatag ti daton gapu iti basol tapno mapakawan ti agturay.
Kalpasanna, ikkatenna ti amin a taba ti animal kas iti inaramidna iti taba dagiti animal a naidaton a pakikappia. Puoranna dagitoy iti altar kas nabanglo a daton iti Apo. Kastoy ti pannakaidatag iti daton gapu iti basol tapno mapakawan dayta a tao.
Kalpasanna, ikkatenna ti amin a taba ti animal kas iti panangikkatna iti taba dagiti animal a naidaton a pakikappia. Puoranna dagitoy iti altar a maigiddan iti daton a mapuoran a naidatag iti Apo. Kastoy ti pannakaidatag iti daton gapu iti basol tapno mapakawan dayta a tao.